កីឡា

កីឡាករ​ជើងចាស់ អេ ភូ​ថង នឹង​ឡើង​សង្វៀន​ប្រដាល់​ម្ដងទៀត​នៅ​ខែក្រោយ​ដើម្បី​យកប្រាក់​ជួយ​មន្ទីរពេទ្យ​គន្ធបុប្ផា​

អតីត​អ្នក​ប្រដាល់​ដ៏​ល្បី​ដែលមាន​រហស្សនាម​ថា​«​កែង​ឆេះ​ជង្គង់​ហោះ​» អេ ភូ​ថង នឹង​ឡើង​សង្វៀន​ប្រដាល់​ម្តងទៀត​នៅ​ដើមខែ​ក្រោយ​បន្ទាប់ពី​ខកខាន​អស់​ជាច្រើន​ឆ្នាំ​ដោយ​ចាប់​អាជីព​ជា​គ្រូបង្វឹក​វិញ ។​

​យោងតាម​បទសម្ភាសន៍​ជាមួយ​អ្នកសារព័ត៌មាន និង​ទូរទស្សន៍ PNN អ្នក​ប្រដា​ល់វ័យ​៤៣​ឆ្នាំ​រូបនេះ បាន​ឲ្យ​ដឹងថា ខ្លួន​នឹង​ឡើង​សង្វៀន​ប្រកួត​ម្តងទៀត​គឺ​សង្វៀន​ទូរទស្សន៍ PNN នៅ​ដើមខែ​ក្រោយ ដោយ​ត្រូវ​ប៉ះ​ជាមួយ​អ្នក​ប្រដាល់​ថៃ​ដើម្បី​យកប្រាក់​ដែល​បានមកពី​ការប្រកួត​ជួយ​ដល់​មន្ទីរពេទ្យ​គន្ធបុប្ផា ។​

​ទោះបីយ៉ាងណា គេ​ពុំទាន់​ដឹងថា គូប្រកួត​ដែលជា​កីឡាករ​ថៃ​នោះ​មានឈ្មោះ​អ្វី ទម្ងន់​ប៉ុន្មាន និង​មាន​សមត្ថ​ភាពខ្លាំង​ប៉ុនណា​ទេ ក្នុងពេល​លោក អេ ភូ​ថង បញ្ជាក់ថា គេ​មិនដែល​យក​ក្មេង​មក​វ៉ៃ​ជាមួយ​ចាស់​នោះទេ ។​

​ចំពោះ​ការប្រកួត​ខាងមុខនេះ លោក អេ ភូ​ថង ដែលជា​គ្រូ​ប្រដាល់​គុន​ខ្មែរ​ជម្រើសជាតិ​រូបនេះ​បាន​និយាយថា ទោះបី​លោក​មាន​វ័យ​កាន់តែ​ជ្រេ និង​ខ្លួនប្រាណ​រាង​ជ្រាយ​បន្តិច​មែន ប៉ុន្តែ​លោក​នឹង​ខំប្រឹង​ប្រកួត​ឲ្យ​អស់ពី​សមត្ថភាព ដើម្បី​ឲ្យ​យុវជន​ជំនាន់​ក្រោយ​មើលឃើញ​ពី​គុណ​តម្លៃ​នៃ​ការលេង​កីឡា ៕​


កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Tags
Show More

Related Articles

One Comment

Leave a Reply

Your email address will not be published. Required fields are marked *

Close