នាវាយក្ស SAPPHIRE PRINCESS នាំភ្ញៀវទេសចរបរទេសជិត៤ពាន់នាក់ ចូលចតនៅកំពង់ផែអន្តរជាតិក្រុងព្រះសីហនុ
ភ្ញៀវទេសចរបរទេសចម្រុះជាតិសាសន៍ជិត ៤ពាន់នាក់ ដែលធ្វើដំណើរតាមនាវាទេសចរ យក្សមួយគ្រឿងមានឈ្មោះ SAPPHIRE PRINCESS បានចូលមកទស្សនកិច្ច ព្រះរាជាណាចក្រ កម្ពុជា តាមច្រកកំពង់ផែសមុទ្រអន្តរជាតិក្រុងព្រះសីហនុ នាព្រឹកថ្ងៃទី៤ ខែកុម្ភៈ ឆ្នាំ២០១៨ម្សិលមិញនេះ។
លោកវរសេនីយ៍ឯក កៅ សារាណា នាយប៉ុស្តិ៍ច្រកទ្វារកំពង់ផែអន្តរជាតិក្រុងព្រះ សីហនុបានឲ្យដឹងថា នាវាទេសចរណ៍យក្ស SAPPHIRE PRINCESS មានសញ្ជាតិ BERMUDA មានបណ្តោយ ២៨៨ ម៉ែត្រ ទទឹង ៣៦ម៉ែត្រ ជម្រៅទឹក ៨.៣ ម៉ែត្រ បាននាំភ្ញៀវ ទេសចរបរទេសចម្រុះជាតិសាសន៍ ចូលចតកំពង់ផែអន្តរជាតិ ក្រុងព្រះសីហនុ ក្នុងនោះភ្ញៀវ ទេសចរសរុបចំនួន ២៦៥៨នាក់ មាន ៥២សញ្ជាតិ។
នាវាទេសចរណ៍យក្ស SAPPHIRE PRINCESS បាននាំភ្ញៀវទេសចរបរទេសចម្រុះជាតិសាសន៍ចាកចេញពី កំពង់ផែប្រទេសវៀតណាម ចូលចតនៅកំពង់ផែអន្តរជាតិ ក្រុងព្រះសីហនុ នៅវេលាម៉ោង ៦ និង ៣០នាទី ព្រឹកថ្ងៃទី០៤ ខែកុម្ភៈ ឆ្នាំ២០១៨ ហើយបាននាំភ្ញៀវទេសចរចាកចេញ ពីកំពង់ផែអន្តរជាតិក្រុងព្រះសីហនុ នៅវេលាម៉ោង១៦រសៀល ថ្ងៃដដែលឆ្ពោះទៅកាន់ប្រទេសថៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។