លោកស្នងការរងនគរបាលខេត្តសៀមរាប រំលឹកដល់មន្ត្រីក្រោមឱវាទយកចិត្តទុកដាក់រក្សាសន្តិសុខសុវត្ថិភាពនិងសណ្តាប់ធ្នាប់សាធារណៈក្នុងខេត្ត
សៀមរាប ៖ កាលពីល្ងាចថ្ងៃទី០៤ ខែកក្កដា ឆ្នាំ២០១៨នេះ លោកឧត្តមេសេនីយ៍ត្រី តូច សាកល ស្នងការរងនគរបាលខេត្តសៀមរាប មានប្រសាសន៍ក្នុងកិច្ចប្រជុំមួយជាមួយលោកស្នងការរង នាយ នាយរងការិយាល័យជំនាញចំណុះស្នងការដ្ឋាននគរបាលខេត្តថា “គេាលបំណងយេីងប្រជុំនាពេលនេះ គឺកិច្ចពិភាក្សារកចំណុចល្អៗសម្រាប់យកមកអនុវត្តឲ្យកាន់តែមានប្រសិទ្ធភាព ឈានទៅរក្សាបាននូវសន្តិសុខ សុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋភ្ញៀវទេសចរណ៍ជាតិ និងអន្តរជាតិនៅក្នុងខេត្ត ពិសេសក្នុងពេលយុទ្ធនាការឃោសនាបោះឆ្នោត ការបេាះឆ្នេាត និងការប្រកាសលទ្ធផលបោះឆ្នោត ដែលជាភារកិច្ចដ៍សំខាន់ចាំបាច់បំផុតរបស់កងកម្លាំងនគរបាលយើងចំពោះមុខ”។
លេាកឧត្តមសេនីយ៍បានមានប្រសាសន៍បន្ថែមទៀតថា “ដើម្បីឲ្យដំណើរការបោះឆ្នោតជ្រើសរើសតំណាងរាស្ត្រនីតិកាលទី៦ប្រព្រឹត្តទៅដោយរលូន និងមានតម្លាភាពនោះសូមឲ្យអស់លេាកជានាយការិយាល័យជំនាញទាំងអស់ ត្រូវធ្វេីការគ្រប់គ្រង់និងដឹកនាំកម្លាំងក្រេាមឱវាទរបស់ខ្លួនឲ្យបានល្អ តាមដានត្រួតពិនិត្យសភាពការណ៍ និងត្រៀមកម្លាំងសម្រាប់អន្តរាគមន៍តាមការស្នើសុំពីគណៈកម្មាធិការជាតិរៀបចំការបោះឆ្នោត ក្នុងករណីមានការអុកឡុក ការគំរាមកំហែង អំពើហិង្សាល្មើសច្បាប់ផ្សេងៗ ដែលនាំឲ្យរាំងស្ទះដល់ដំណើរការនៃការឃេាសនាបេាះឆ្នេាតនិងការបោះឆ្នោត រួមទាំងការយកចិត្តទុកដាក់អនុវត្តបន្តទៀតឲ្យកាន់តែមានប្រសិទ្ធភាព ក្នុងការបង្ការទប់ស្កាត់បទល្មើសគ្រប់ប្រភេទ ពិសេសទប់ស្កាត់នូវរាល់ល្បិចកល និងឧបាយកលរបស់ក្រុមពពួកជនខិលខូចដែលធ្វេីឲ្យរាំងស្ទះដល់ដំណេីរការបេាះឆ្នេាតនាពេលខាងមុខនេះ” ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។