មន្ត្រីកាំកុងត្រូល ចុះត្រួតពិនិត្យរកឃើញសិប្បកម្មផលិតនំចំណីគ្មានច្បាប់មួយកន្លែង
មន្ត្រីសាខាកាំកុងត្រូលផែស្ងួតចុងទីភ្នំពេញ បានទទួលបញ្ជាពីឯកឧត្តម គឹម មាសសុខសីហា អគ្គនាយករង នៃអគ្គនាយកដ្ឋានកាំកុងត្រូលអោយជាចូលរួមជាមួយ គណៈកម្មាធិការ (គ.ប.ផ.ក) ឲ្យចុះត្រួតពិនិត្យ “សិប្បកម្មងោះហោះ” ស្ថិតនៅទីតាំង ផ្លូវលំ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ដោយមានការជ្រោមជ្រែងពីព្រះរាជអាជ្ញារង គុជ គឹមឡុង កាលពីរសៀលថ្ងៃទី១៧ ខែកក្កដា ឆ្នាំ២០១៨នេះ។
មន្ត្រីកាំកុងត្រូលបានរកឃើញថាសិប្បកម្មផលិតនំចំណីមួយនេះពុំទាន់មានច្បាប់គ្រប់គ្រាន់ទេ ដោយតម្រូវឲ្យម្ចាស់សិប្បកម្មទៅបំពេញបែបបទអោយត្រឹមត្រូវឡើងវិញ ហើយគំរូនំចំណីមួយចំនួនដែលសិប្បកម្មនេះបានផលិត ត្រូវបានបញ្ជូនមកកាន់មន្ទីរពិសោធន៍របស់អគ្គនាយកដ្ឋានកាំកុងត្រូលផងដែរ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។