ក្រសួងប្រាប់ឲ្យប្រុងប្រយ័ត្នចំពោះការហក់ឡើង នៃកម្ពស់ទឹកទន្លេមេគង្គ
ក្រសួងធនធានទឹក និងឧតុនិយម នៅរសៀលថ្ងៃនេះ បានប្រកាសប្រាប់ដល់បងប្អូនប្រជាពលរដ្ឋដែលរស់នៅតាមដងទន្លេមេគង្គ សូមបង្កើនការប្រុងប្រយ័ត្ន ចំពោះការហក់ឡើងនៃទឹកទន្លេនៅកំឡុងប៉ុន្មានថ្ងៃខាងមុខនេះ។
តាមការព្យាកររបស់ក្រសួងធនធានទឹក និងឧតុនិយមបានបញ្ជាក់ថា ទឹកទន្លេមេគង្គ នឹងបន្តហក់ឡើងក្នុងរង្វង់ពី៣-៧ថ្ងៃទៀត ក្នុងនោះ៖
-ទន្លេមេគង្គស្ទឹងត្រែង ទឹកនឹងបន្តឡើង ៣ថ្ងៃទៀត ដោយទឹកអាចនឹងឡើងដល់កម្ពស់ ១០,៣០ម៉ែត្រ។
-ទន្លេមេគង្គក្រចេះ ទឹកនឹងបន្តឡើង ៤ថ្ងៃទៀត ដោយអាចនឹងឡើងដល់កម្ពស់ ២០,៨០ម៉ែត្រ។
-ទន្លេមេគង្គកំពង់ចាម ទឹកនឹងបន្តឡើង ៥ថ្ងៃទៀត ដោយអាចឡើងដល់កម្ពស់ ១៤ម៉ែត្រ។
និង -ទន្លេមេគង្គចតុមុខ ទឹកនឹងបន្តឡើង ៦-៧ថ្ងៃទៀត ដោយអាចឡើងដល់កម្ពស់ ៨ម៉ែត្រ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។