ចិនទៀតហើយបើករថយន្តក្រឡាប់ នៅស្រុកព្រៃនប់
ខេត្តព្រះសីហនុ៖ កម្លាំងកងរាជអាវុធហត្ថស្រុកព្រៃនប់បានឲ្យដឹងថាមាន រថយន្តម៉ាកហ៊ីយ៉ាន់ដាយស្តារិច មួយគ្រឿងសង្ស័យអ្នកបើកបរ បើកក្នុងល្បឿនលឿន បានរេចង្កូតបុកបង្កោលចំណាំងផ្លាតបាក់អស់៣ដើម ហើយក្រឡាប់ជាច្រើនត្រឡប់ធ្លាក់ចូលក្នុងព្រៃ តែធ្វើឲ្យអ្នកបើកបររងរបួសស្រាលប៉ុណ្ណោះ។
មន្រ្តីកងរាជអាវុធហត្ថស្រុកព្រៃនប់ បានឲ្យដឹងទៀតថា ករណីនេះបានកើតមានឡើងនៅម៉ោង១រសៀល ថ្ងៃទី២០ខែកក្កដាឆ្នាំ២,០១៨ នៅលើផ្លូវជាតិលេខ៤ចន្លោះ គីឡូម៉ែត្រលេខ១៦៥-១៦៦ ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ ហើយរថយន្តនេះធ្វើដំណើរក្នុង ទិសដៅពី ភ្នំពេញទៅខេត្តព្រះសីហនុ ។
រថយន្តនេះម៉ាក ម៉ាកហ៊ីយ៉ាន់ដាយស្តារិច ពណ៌ស ពាក់ស្លាកលេខ 2AQ 2641 បើកបរដោយបុរសម្នាក់ជនជាតិចិន ឈ្មោះ ជិន ធៀនហ្វា ភេទប្រុស អាយុ៤៩ឆ្នាំ ស្នាក់នៅភ្នំពេញ បានរងរបួសស្រាល។ បន្ទាប់មករថយន្តនេះត្រូវបានសមត្ថកិច្ចជួយស្ទូច យកឡើងហើយដឹកយកមកក្រុងព្រះសីហនុ ដើម្បីជួសជុលប្រើប្រាស់ឡើង វិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។