ប្រធានស្ថានីយ៍ជញ្ជីងថ្លឹងរថយន្តនៅលើផ្លូវជាតិលេខ៣ប្រព្រឹត្តអំពើពុករលួយក្នុងរូបភាពបិតបាំងថ្នាក់លើ
មន្ត្រីរាជការក្នុងខេត្តកណ្ដាល បានឲ្យដឹងថា ស្ថានីយ៍ជញ្ជីងថ្លឹងរថយន្តដែលគ្រប់គ្រងដោយលោក ជួរ ឈនឡេង នៅតាមបណ្តោយផ្លូវជាតិលេខ៣ កំពុងឃុបឃិតជាមួយឈ្មួញលើការមិនឲ្យរថយន្តចូលថ្លឹងដើម្បីបិតបាំងកាម៉ារ៉ាក្រសួង ហើយលួចទំនាក់ទំនងឈ្មួញស្ងាត់ៗយកលុយដាក់ហោប៉ៅ។
ប្រភពពីអ្នកបើករថយន្តបាននិយាយថា ស្ថានីយ៍ជញ្ជីងថ្លឹងរថយន្តនៅផ្លូវជាតិលេខ3 ដែលស្ថិតនៅចំណុចកំពង់ទួល នៃស្រុកកណ្តាលស្ទឹង ខេត្តកណ្តាល បានប្រើរូបភាពបិតបាំងយកលុយពីឈ្មួញធំៗ ដែលដឹកទំនិញលើសចំណុះ និងរថយន្តដឹក ដីដឹកខ្សាច់ ដឹកថ្មលើសចំណុះខុសលក្ខណៈបច្ចេកទេស ដោយគ្រាន់តែឲ្យម្ចាស់រថយន្តទាំងនោះ មកបង់លុយតាមការកំណត់ ជាថ្នូរនិងមិនឡើងថ្លឹងជញ្ជីងនោះឡើយ។
ចំពោះករណីនេះ យើងនៅមិនទាន់អាចទាក់ទងសុំការបំភ្លឺពីលោក ជួរ ឈានឡេង ប្រធានស្ថានីយ៍ជញ្ជីងផ្លូវជាតិលេខ៣ ភូមិកំពង់ទួល និងលោក ម៉ឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្ដាលបាននៅឡើយទេនៅថ្ងៃនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។