គ្រោះថ្នាក់ចរាចរណ៍រថយន្តបុកម៉ូតូបណ្តាលឲស្លាប់ម្នាក់នៅស្រុកខ្សាច់កណ្តាល
មានហេតុការណ៍គ្រោះថ្នាក់ចរាចរណ៍បានកើតឡើងនៅថ្ងៃព្រហស្បតិ៍ ១៥កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១ ខែមីនា ឆ្នាំ២០១៨ វេលាម៉ោង១០និង១០នាទី ចំណុចកើតហេតុនៅភូមិអន្លង់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ចន្លោះគីឡូម៉ែត្រ(28-29)
មានករណីគ្រោះថ្នាក់ ចរាចរណ៍មួយបង្ករឡើងដោយម៉ូតូមួយគ្រឿងម៉ាកHonda ធន់C110ពណ៍ខ្មៅ គ្មានផ្លាកលេខ បើកបរដោយ ឈ្មោះ ទេព សាវន័ ភេទប្រុសអាយុ៣៩ឆ្នាំ មុខរបរកសិករ បច្ចុប្បន្នស្នាក់នៅភូមិអន្លង់ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល បើកបរនៅក្នុងទិសដៅពីជើងទៅត្បូងឆ្លងកាត់ផ្លូវ មកដល់ចំណុចកើតហេតុខាងលើត្រូវបានបុកជាមួយរថយន្តម៉ាកFord ពាក់ផ្លាក លេខភ្នំពេញ2AC-9652 បើកបរដោយឈ្មោះទូច សំណាង ភេទប្រុស អាយុ៤២ឆ្នាំ រស់នៅភូមិអូអាម ឃុំស្រែខ្ទុម ស្រុកកែវសីមា ខេត្តមណ្ឌលគីរី ក្នុងទិសដៅពីកើតទៅលិច បណ្តាលឲ្យជនរងគ្រោះបើកម៉ូតូស្លាប់បាត់បង់ជីវិតនៅហ្នឹងកន្លែងកើតហេតុ ចំណែកអ្នកបើកបររថយន្តរត់គេចខ្លួនបាត់ និងខូចខាតរថយន្ត០១គ្រឿងស្រាល ម៉ូតូ០១គ្រឿងធ្ងន់។
ករណីនេះក្រោយពីកម្លាំងជំនាញចុះទៅដល់កន្លែងកើតហេតុភ្លាមបានធ្វើការវាស់វែងកត់កំណត់ហេតុរួចសពជនរង គ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ចំណែកវត្ថុតាងពាក់ព័ន្ធត្រូវបានសមត្ថកិច្ចយកមករក្សាទុកនៅអធិការ នគរបាលស្រុកដើម្បីកសាងសំណុំរឿងតាមនីតិវិធីច្បាប់។
តាមការសន្និដ្ឋានពីសមត្ថកិច្ចជំនាញបានឲ្យដឹងថា មូលហេតុដែលបង្ករឲ្យមានករណីគ្រោះថ្នាក់ ចរាចរណ៍នេះបណ្តាលមកពីអ្នកបើកបរម៉ូតូឆ្លង កាត់ផ្លូវខ្វះការប្រុងប្រយ័ត្ន។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។