ឃាត់ខ្លួនជនសង្ស័យ ៤នាក់ ពាក់ព័ន្ធរឿងប្រើប្រាស់គ្រឿងញៀន ២៤កញ្ចប់ នៅស្រុកក្រឡាញ់
ខេត្តសៀមរាប៖ កាលពីថ្ងៃទី១៤ ខែធ្នូ ឆ្នាំ២០២០ កម្លាំងនគរបាលស្រុកក្រឡាញ់ បានចុះបង្ក្រាបករណីជួញដូរ និងប្រើប្រាស់គ្រឿងញៀន នៅចំណុចភូមិដូរតន្ត្រី ឃុំកំពង់ថ្កូវ និងនៅភូមិគោកដូង ឃុំកំពង់ថ្កូវ ស្រុកក្រឡាញ់ ខេត្តសៀមរាប ដោយឃាត់ខ្លួនជនសង្ស័យចំនួន ៤នាក់។
អាជ្ញាធរបានឲ្យដឹងថា ជនសង្ស័យទាំង៤នាក់នោះ ឈ្មោះ វ៉ាន់ ណយ ហៅកុយ ភេទប្រុស មុខរបរជាងម៉ូតូ, ឈ្មោះ ដេត ព្រហ្មស៊ីដេន ភេទប្រុស មុខរបរគ្មាន, ឈ្មោះ ចិប ស្រស់ ភេទប្រុស មុខរបរគ្មាន និងឈ្មោះ ភេ រតនា ហៅម៉ៅ ភេទប្រុស មុខរបរគ្មាន។ ចំពោះវត្ថុតាងដកហូតបាន ម្សៅមេតំហ្វេតាមីនចំនួន ២៣កញ្ចប់ ជញ្ជីងថ្លឹងគ្រឿងញៀនចំនួន១គ្រឿង ក្រដាសវេរប្រាក់វីងចំនួន២សន្លឹក ឧបករណ៍ប្រើប្រាស់មួយចំនួន និងទូរស័ព្ទដៃចំនួន៦គ្រឿង។
បច្ចុប្បន្ន ជនសង្ស័យរួមទាំងវត្ថុតាង ត្រូវបានការិយាល័យជំនាញ បញ្ជូនទៅសាលាដំបូងខេត្ត នៅថ្ងៃទី១៥ ខែធ្នូ ឆ្នាំ២០២០នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។