ចាប់ខ្លួនបុរស៣នាក់ ករណីគ្រឿងញៀនចំនួន ៣ថង់ នៅស្រុកសង្កែ
ខេត្តបាត់ដំបង៖ កាលពីរសៀល ថ្ងៃទី២ ខែមិថុនា ឆ្នាំ២០២១ នៅចំណុចក្រុមទី១៩ ភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង កម្លាំងអធិការនគរបាលស្រុកសង្កែ ចុះប្រតិបត្តិការបង្ក្រាបករណីគ្រឿងញៀ ដោយឃាត់ខ្លួនជនសង្ស័យចំនួន ៣នាក់ផងដែរ។
ជនសង្ស័យខាងលើ ទី១-ឈ្មោះ ដុក ណូ ហៅខ្លុយ ភេទប្រុស អាយុ៣០ឆ្នាំ មានទីលំនៅ ភូមិអូរស្រឡៅ ឃុំវត្ដតាមិម ស្រុកសង្កែ ខេត្តបាត់ដំបង, ទី២-ឈ្មោះ រៀម ចន ភេទប្រុស អាយុ៣៦ឆ្នាំ មានទីលំនៅភូមិព្រៃទទឹង ឃុំជ្រៃ ស្រុកថ្មគោល ខេត្ដបាត់ដំបង និងទី៣-ឈ្មោះ រ៉ង ចំរើន ភេទប្រុស អាយុ២៤ឆ្នាំ មានទីលំនៅភូមិអូរស្រឡៅ ឃុំវត្ដតាមិម ស្រុកសង្កែ ខេត្តបាត់ដំបង។
ក្នុងប្រតិបត្តិការនោះ ជំនាញបានវត្ថុតាងដកហូត រួមមាន៖ ម្សៅក្រាមពណ៌សថ្លាចំនួន៣ថង់ ថង់សម្រាប់ច្រករំលែកថ្នាំញៀន និងសម្ភារៈប្រើប្រាស់ថ្នាំញៀនមួយចំនួន ទូរស័ព្ទដៃ៥គ្រឿង ប្រាក់រៀល ១៣៦,០០០រៀល ម៉ូតូ១គ្រឿង។
បច្ចុប្បន្ននគរបាលស្រុក បានរៀបចំបញ្ជូនទាំងជនសង្ស័យទាំង ៣នាក់នេះ ទៅកាន់ការិយាល័យជំនាញ ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។