សម្តេច ហ៊ុន សែន សម្រេចឲ្យចាក់វ៉ាក់សាំងកូវីដ១៩ជូនកុមារ និងយុវវ័យ អាយុពី១២ ដល់ ១៧ឆ្នាំ
សម្តេច ហ៊ុន សែន នាយករដ្ឋមន្រ្តី នៃកម្ពុជា នៅព្រឹកថ្ងៃទី១៦ កក្កដានេះ បានផ្ញើសារជាសម្លេងជូនជនរួមជាតិ ពាក់ព័ន្ធការសម្រេចឲ្យចាក់វ៉ាក់សាំងកូវីដ១៩ជូនកុមារ និងយុវវ័យ អាយុពី១២ ដល់ ១៧ឆ្នាំ នាពេលឆាប់ៗខាងមុខ។
សម្តេចតេជោបានលើកឡើងថា សាលារៀនទាំងអស់ត្រូវបានបិទអស់រយៈពេលយូរ ដែលនេះគឺជាការខាតបង់យ៉ាងធំមួយសម្រាប់ប្រទេសជាតិ ។ យ៉ាងណាក៏ដោយ ការចាក់វ៉ាក់សាំងជូនដល់កុមារ និងយុវវ័យ ដែលមានអាយុពី ១២ ដល់ ១៧ឆ្នាំនេះ សម្តេចរំពឹងថា យ៉ាងហោចណាស់ក៏សាលាកម្រិតមធ្យមសិក្សាអាចបើកឡើងវិញបាន។
សម្រាប់ពេលវេលា នៃការចាក់វ៉ាក់សាំងកូវីដ១៩ សម្រាប់កុមារនេះ សម្តេចបញ្ជាក់ថា អាចនឹងធ្វើឡើងក្នុងពេលឆាប់ៗ ទៅលើកុមារប្រមាណ ២លាននាក់ ដែលត្រូវការវ៉ាក់សាំងប្រមាណ ៤លានដូស។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។