ពលករខ្មែរ ១២៦នាក់ ត្រូវបានភាគីថៃ បញ្ជូនមកប្រទេសកម្ពុជាវិញ តាមច្រកអូរអន្លក់
បាត់ដំបង៖ នគរបាលខេត្តបាត់ដំបង កាលពីថ្ងៃទី៥ ខែវិច្ឆិកា ឆ្នាំ២០២១ បានឱ្យដឹងថា ពលករខ្មែរចំនួន ១២៦នាក់ ក្នុងនោះមានស្រី ចំនួន៤៧នាក់ ក្មេងចំនួន១១នាក់ ក្មេងស្រី៧នាក់ បានវិលត្រឡប់មកក្នុងប្រទេសកម្ពុជា វិញ តាមច្រកអូរអន្លក់ ស្រុកកំរៀង ខេត្តបាត់ដំបង ដែលខាងភាគីថៃ បានបញ្ជូនមក។
សូមបញ្ជាក់ថា ប្រជាពលករខ្មែរទាំង១២៦នាក់នោះ ត្រូវបានកងកម្លាំងបានធ្វើការវាស់កំដៅ និងកត់ត្រារួច បន្ទាប់មកក្រុមគ្រូពេទ្យជំនាញ ដែលប្រចាំការនៅតាមតំបន់ព្រំដែន បានយកសំណាក ដើម្បីធ្វើតេស្តរហ័សរួចរាល់ហើយផងដែរ ។
ជាលទ្ធផលក្រោយពីធ្វើតេស្តរហ័សរួច ឃើញថាពលករទាំង១២៦នាក់នោះ គឺអវិជ្ជមានជំងឺកូវីដ១៩ទាំងអស់ ទន្ទឹមនឹងនោះក្រុមការងារបានធ្វើការបញ្ជូនពួកគាត់ទៅធ្វើចត្តាឡីស័កបន្ត នៅមណ្ឌលចត្តាឡីស័កអូរល្វា ស្ថិតក្នុងស្រុកសំពៅលូន នៃខេត្តបាត់ដំបងផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។