ស្លាប់ម្នាក់ និងរបួស៤នាក់ ករណីជិះបង្ហោះម៉ូតូបុកគ្នាពេញទំហឹង នៅក្រុងកំពង់ចាម
កំពង់ចាម៖ ករណីគ្រោះថ្នាក់ចរាចរណ៍មួយ បានកើតឡើង ក្នុងករណីបង្ហោះម៉ូតូបុកគ្នាពេញទំហឹង បណ្ដាលឲ្យស្លាប់ម្នាក់ និងរបួស ៤នាក់ នៅវេលាម៉ោងជាង ២២យប់ ថ្ងៃទី១៣ ខែមិថុនា ឆ្នាំ២០២៣ នៅចំណុចផ្លូវកែងវិទ្យាលយ័បឹងកុក ភូមិបឹងកុកទី១ សង្កាត់បឹងកុក ក្រុងកំពង់ចាម ខេត្តកំពង់ចាម ។
ប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញមានម៉ូតូមួយគ្រៀងម៉ាកសង់១២៥ជិះមានគ្នាចំនួន០៣នាក់ពីលិចទៅកើតដោយល្បឿនលឿនថែមទាំងបង្ហោះទៀតផងលុះដល់កន្លែងកើតហេតុមានម៉ូតូមួយគ្រឿងទៀតម៉ាកស្កុបពី មានគ្នា០២នាក់ ជិះពីជើងមកត្បូងដល់ត្រង់កន្លែងផ្លូវកែងរដ្ឋាករទឹកក៏បានបុកគ្នាយ៉ាងពេញទំហឹងបណ្ដាលឲ្យមានរបួសធ្ងន់ស្រាលនិងស្លាប់។ ករណីនេះ បណ្ដាលឲ្យមានរបួសធ្ងន់ស្រាល ៤នាក់ និងស្លាប់ម្នាក់ ពេលបញ្ជូនដល់មន្ទីរពេទ្យ។
ក្រោយកើតហេតុសមត្តកិច្ច បានចុះវាស់វែងធ្វើនីតិវិធី និងបញ្ជូនអ្នករបួសទៅកាន់មន្ទីរពេទ្យដើម្បីសង្គ្រោះបន្ទាន់ដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។