ឯកឧត្តម ថោង ខុន និងមន្ត្រី២០រូប រួមទាំងថ្នាក់ដឹកនាំអង្គការអន្តរជាតិកូរ៉េ ៦រូបទៀត ដែលពាក់ព័ន្ធព្រឹត្តិការណ៍សហគមន៍២៨វិច្ឆិកា អវិជ្ជមានជំងឺកូវីដ១៩
ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងមន្ត្រីក្រសួងទេសចរណ៍ រួមទាំងថ្នាក់ដឹកនាំអង្គការអន្តរជាតិកូរ៉េ GO and DO ៦រូបទៀត ដែលពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា បានអវិជ្ជមាន ក្នុងការធ្វើតេស្តរកមេរោគកូវីដ១៩ ដែលធ្វើឡើងលើកទី១ កាលពីថ្ងៃទី០១ ខែធ្នូ ឆ្នាំ២០២០ ម្សិលមិញ។
ឯកឧត្តម ថោង ខុន និងមន្ត្រីក្រសួងទេសចរណ៍ ក៏ដូចជាំថ្នាក់ដឹកនាំអង្គការអន្តរជាតិកូរ៉េ GO and DO ៦រូបទៀត ពុំបានប្រាស្រ័យទាក់ទងជាមួយគ្រួសារ លោក ឆែម សាវុធ អគ្គនាយកពន្ធនាគារនោះឡើយ ប៉ុន្តែ ពួកគាត់បានចូលរួមផ្តល់អំណោយរថយន្ត ពន្លត់អគ្គីភ័យ ជូនអគ្គស្នងការដ្ឋាននគរបាលជាតិ កាលពីរសៀលថ្ងៃទី២៦ ខែវិច្ឆិកា ឆ្នាំ២០២០ នៅអគ្គស្នងការដ្ឋាននគរបាលជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។