បើកម៉ូតូវ៉ាជែងគ្នា មិនប្រយ័ត្នកៀរប៉ះរថយន្តដួល ត្រូវរថយន្ត១គ្រឿងទៀត កិនពីលើស្លាប់នៅកន្លែង
បន្ទាយមានជ័យ៖ ក្មេងប្រុសជំទង់ម្នាក់បានជួបគ្រោះថ្នាក់ចរាចរណ៍រវាងម៉ូតូបើកកៀររថយន្តដួលបោកក្បាលនឹងថ្នល់ហើយត្រូវរថយន្ត១គ្រឿងទៀត កិនពីលើបណ្តាលឲ្យស្លាប់ភ្លាមៗតែម្តង។
ករណីនេះ បានកើតឡើងនៅវេលាម៉ោង១៨និង១០នាទី ថ្ងៃទី០៧ ខែធ្នូ ឆ្នាំ២០២០ នៅលើកំណាត់ផ្លូវជាតិលេខ៦ ខាងលិចក្លោងទ្វារចូលវត្តកក់ប្រហែល១៥០ម៉ែត្រ ស្ថិតក្នុងភូមិគោកលុន ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។
នគរបាលស្រុកព្រះនេត្រព្រះ បានឲ្យដឹងថា ជនរងគ្រោះឈ្មោះ ខាំ ប៊ុនសេង ភេទប្រុស អាយុ១៨ឆ្នាំ នៅភូមិគោកត្រាច ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។បើកបរ ម៉ូតូម៉ាកហ្សូម័រ ពណ៌លឿង គ្មានស្លាកលេខ ។
ក្រោយពេលកើតហេតុ សមត្ថកិច្ចបានចុះពិនិត្យ និងយកទៅរក្សាទុកបណ្តោះអាសន្ន។ ចំណែកសាកសពត្រូវបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។