តើស្ត្រីរូបណាដែលមានឥទ្ធិពលបំផុតលើពិភពលោកឆ្នាំ២០២០?
ឆ្នាំ២០២០នេះ សកម្មភាពទាំងឡាយនៅលពិភពលោកបានកាត់បន្ថយ ជាច្រើនដោយសារតែការឆ្លងរាលដាលកូវីដ១៩ ប៉ុន្តែការជ្រើសរើសស្ត្រីដែលមានឥទ្ធិពលបំផុតលើពិភពលោករបស់ទស្សាវដ្តីForbes នៅតែបន្ត ដដែល តើឆ្នាំនេះស្ត្រីមានឥទ្ធិពលបំផុតជាអ្នកណា?
មិនខុសពីឆ្នាំមុនៗនោះឡើយ អធិកាបតីអាល្លឺម៉ង់ លោកស្រី Angela Merkel នៅតែជាស្ត្រីដែលមានឥទ្ធិពលបំផុតលើពិភពលោកដដែល។ ចំណែកលំដាប់ទីពីរគឺប្រធានធនាគារអឺរ៉ុបលោកស្រី Christine Lagarde ជនជាតិបារាំង ។ លំដាប់ទីពីរគឺជាបុគ្គលថ្មីបំផុត គឺជាអនុប្រធានាធិបតីថ្មីអាមេរិក ទើបតែជាប់ឆ្នោតលោកស្រីKamala Harris។
ជាបុគ្គលដែលពិភពលោកមិនស្គាល់ ហើយបណ្តាញព័ត៌មានជុំវិញពិភពលោកក៏មិនចាប់អារម្មណ៍នោះឡើយ ប៉ុន្តែក្នុងរយៈពេលជាង១ខែចុងក្រោយដែលបានជ្រើសរើសជាដៃគូរបស់លោកបៃឌិន ជាបេក្ខភាពអនុប្រធានាធិបតីអាមេរិក លោកស្រីក្លាយជាបុគ្គលល្បីបំផុតនាពេលបច្ចុប្បន្ន។ ពិសេសគឺក្រោយពេលជាប់ឆ្នោតជាអនុប្រធានាធិបតីបានជួយឲ្យលោកស្រីស្ថិតនៅក្នុងចំណោមស្ត្រីទាំង១០០រូបល្បីបំផុតលើពិភពលោកឆ្នាំ២០២០។
តាមទស្សនាវដ្តីForbesដែលបានប្រកាសបញ្ជីឈ្មោះស្ត្រីទាំង១០០រូបមានឥទ្ធិពលបំផុតលើពិភពលោកក្នុងឆ្នាំ២០២០ គឺក្នុងបញ្ជីឈ្មោះនោះ មានប្រមុខដឹកនាំប្រទេសដែលជាស្ត្រី អ្នកជំនួញ សកម្មជនសង្គម សិល្បៈ មកពី៣០ប្រទេសមានឈ្មោះក្នុងបញ្ជីស្ត្រីមានឥទ្ធិពលបំផុតឆ្នាំ២០២០។
តាមទស្សនាវដ្តី Forbes បានផ្សាយថា ឆ្នាំនេះជាលើកទី១៧ ហើយ ដែលបានជ្រើសរើសស្ត្រីមានឥទ្ធិពលបំផុតលើពិភពលោក មកពី៣០ប្រទេស ក្នុងនោះមានប្រមុខដឹកនាំ១០ប្រទេសជាស្ត្រី និងCEO ៣៨រូប និងសិល្បការិនី៥រូប ព្រមទាំងស្ត្រីដែលមានឥទ្ធិពលផ្សេងៗទៀតជាច្រើន ពិសេសគឺអ្នកនយោបាយ។ ក្រៅពីនេះនាយករដ្ឋមន្ត្រីនូវែលហ្សេឡង់ លោកស្រីJacinda Ardern និងប្រធានរដ្ឋសភាអាមេរិក លោកស្រី Nancy Pelosi ព្រមទាំងមេដឹកនាំកោះតៃវ៉ាន់ក៏ស្ថិតនៅក្នុងចំណោមស្ត្រីល្បីទាំង១០០រូបផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។