រថយន្តខួងបង្គោលភ្លើង ដាច់ហ្វ្រាំងក្រឡាប់ធ្លាក់ផ្លូវ របួស៤នាក់ នៅចំណុចផ្លូវអន្ទង់អាំងធំ ខេត្តកោះកុង
ខេត្តកោះកុង៖ រថយន្តខួងបង្គោលភ្លើង ខណៈបើកឡើងចំណោច បានដាច់ហ្វ្រាំងក្រឡាប់ធ្លាក់ផ្លូវ នៅចំណុចអន្ទង់អាំងធំ នៅវេលាម៉ោង៨:៣០នាទីព្រឹក ថ្ងៃទី១០ ខែធ្នូ ឆ្នាំ២០២០នេះ លើផ្លូវជាតិលេខ៤៨ ក្នុងភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង បណ្តាលឲ្យរងរបួសធ្ងន់ស្រាលចំនួន ៤នាក់។
អាជ្ញាធរមូលដ្ឋាន បានឲ្យដឹងថា រថយន្ត ម៉ាកRHINO ពណ៌ស ពាក់ស្លាកលេខ ភ្នំពេញ 5A 1067 បើកបរដោយឈ្មោះ ខ្លា ភេទប្រុស អាយុ២៤ឆ្នាំ ទិសដៅពីភ្នំពេញទៅកោះកុង លុះមកដល់ចំណុចខាងលើ រថយន្តស្រាប់តែដាច់ហ្វ្រាំងក្រឡាប់ធ្លាក់ផ្លូវ ពេលបើកចុះចំណោទ បណ្តាលឲ្យមានមនុស្សចំនួន៤នាក់ រងរបួសធ្ងន់ស្រាល រីឯអ្នកបើកបរបានរត់គេចខ្លួនបាត់។
ក្រោយពេលកើតហេតុ សមត្ថកិច្ច បានចុះអន្តរាគមន៍ និងជួយជនរងគ្រោះ បញ្ជូនទៅព្យាបាលនៅមណ្ឌលសុខភាពអណ្តូងទឹក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។