បាតុករថៃ សុំជំនួយពីអង្គការសហប្រជាជាតិ ដើម្បីលុបចោលច្បាប់បរិហារកេរ្តិ៍ព្រះមហាក្សត្រ
ថៃ៖ សារព័ត៌មាន AFP ចុះផ្សាយនៅថ្ងៃទី១០ ខែធ្នូថា ក្រុមសកម្មជនប្រជាធិបតេយ្យថៃប្រមូលផ្តុំគ្នានៅឯការិយាល័យអង្គការសហប្រជាជាតិប្រចាំក្រុងបាងកកនៅថ្ងៃព្រហស្បតិ៍ម្សិលមិញ ក្នុងគោលបំណងអំពាវនាវអោយស្ថាប័នមួយនេះ ដាក់សម្ពាធលើព្រះមហាក្សត្រថៃ អោយលុបចោលច្បាប់បរិហារកេរ្តិ៍ ។
ក្នុងចំណោមសកម្មជនរាប់សិបនាក់ នៅមុខការិយាល័យអង្គការសហប្រជាជាតិ លោក Somyot Prueksakasemsuk មានអាយុ៥៩ឆ្នាំ បានប្រាប់អ្នកយកព័ត៌មាន ថា ច្បាប់បរិហាកេរិ៍នេះ មិនល្អសម្រាប់រូបភាពរាជាធិបតេយ្យនៅប្រទេសថៃទេ ហើយថា អ្នកជាប់ទោសពីបទបរិហារកេរ្តិ៍រាជវង្ស ត្រូវបានគេចាត់ទុកដូចជាសត្វធាតុនៅក្នុងពន្ធនាគារ។
សូមជម្រាបថា បាតុកម្មនៅទីក្រុងបាងកក របស់ប្រទេសថៃបានផ្ទុះឡើងចាប់តាំងពីពាក់កណ្តាលខែកក្កដា មានគោលបំណងទាមទារអោយនាយករដ្ឋមន្ត្រីថៃ លោក ប្រាយុទ្ធ ចាន់អូចា លាលែងចេញពីតំណែង ក៏ដូចជាកាត់បន្ថយអំណាចរបស់ព្រះមហាក្សត្រថ្មីព្រះបាទ មហា វិជ្ជរ៉ាឡុងកន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។