១០ខែ ឆ្នាំនេះ កម្ពុជាទទួលភ្ញៀវទេសចរអន្តរជាតិជាង ១លាននាក់
ភ្នំពេញ៖ យោងតាមរបាយការណ៍របស់ក្រសួងទេសចរណ៍ បានឲ្យដឹងថា ចំនួនភ្ញៀវទេសចរអន្តរជាតិ មកទស្សនាប្រទេសកម្ពុជា ក្នុងរយៈពេល ១០ខែឆ្នាំ ២០២០នេះ មានប្រមាណ ១,២៦លាននាក់ បានធ្លាក់ចុះ ៧៦,១ភាគរយ បើធៀបនឹងរយៈពេលដូចគ្នាកាលពីឆ្នាំមុន ដែលមានប្រមាណ ៥,២៩លាននាក់។
របាយការណ៍នេះ បង្ហាញទៀតថា ប្រភពភ្ញៀវទេសចរអន្តរជាតិសំខាន់ៗមកកម្សាន្តនៅប្រទេសកម្ពុជា គឺទេសចរចិន បន្តនាំមុខគេ មានចំនួនសរុបប្រមាណ ៣១ម៉ឺននាក់ ធ្លាក់ចុះ ៨៤,៥ភាគរយ បន្ទាប់មកទេសចរថៃ មានចំនួន ១៩ម៉ឺននាក់ ធ្លាក់ចុះ ៤១,៥ភាគរយ, វៀតណាម មានចំនួន ១៨ម៉ឺននាក់ ធ្លាក់ចុះ ៧៤,៨ភាគរយ និងសហរដ្ឋអាមេរិក ជាង ៥ម៉ឺននាក់ ធ្លាក់ចុះ ៧១,៦ភាគរយ ក្រៅពីនោះភ្ញៀវទេសចរមកពីបណ្តាប្រទេសផ្សេងៗទៀត ក៏សុទសឹងបង្ហាញពីការធ្លាក់ចុះដូចៗគ្នានេះដែរ។
គួរបញ្ជាក់ថា កាលពីឆ្នាំ២០១៩ កម្ពុជា ទទួលបានភ្ញៀវទេសចរអន្តរជាតិសរុបចំនួន ៦,៦១លាននាក់ កើនឡើង ៦,៦ភាគរយ ពីចំនួន ៦,២លាននាក់ ក្នុងឆ្នាំ២០១៨៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។