បង្ក្រាបគ្រឿងញៀន នៅក្រុងប៉ោយប៉ែត ឃាត់ខ្លួន៣នាក់ និងថ្នាំញៀន២វ៉ាលី និងមួយកេសដែក
ខេត្តបន្ទាយមានជ័យ៖ កម្លាំងនគរបាលប្រឆាំងគ្រឿងញៀនក្រុងប៉ោយប៉ែ បានចុះបង្ក្រាបករណីជួញដូរគ្រឿងញៀនខុសច្បាប់ ក្នុងភូមិសាស្ត្រក្រុងប៉ោយប៉ែត ឃាត់ខ្លួនមនុស្សចំនួន ៣នាក់ និងដកហូតគ្រឿងញៀនមួយចំនួនធំផងដែរ ។
បើតាមរបាយការណ៍សមត្ថកិច្ច បញ្ជាក់ថា លទ្ធផលនៃប្រតិបត្តិការថ្ងៃទី១៥ ខែធ្នូ ឆ្នាំ ២០២០ នៅវេលាម៉ោង២០និង៣០នាទី សមត្ថកិច្ចបានឃាត់ខ្លួនជនសង្ស័យ ៣នាក់ ទី១-ឈ្មោះ ទី យៀង ភេទស្រី អាយុ៤៣ឆ្នាំ ជនជាតិខ្មែរ ,ទី២-ឈ្មោះ ហុង ម៉េង ភេទប្រុស អាយុ១៦ឆ្នាំ ជនជាតិខ្មែរ និង៣-ឈ្មោះ សេង ដាលីសិទ្ធ ហៅចិន ភេទប្រុស អាយុ៤០ឆ្នាំ ជនជាតិខ្មែរ ។
បន្ទាប់មកសមត្ថកិច្ច សហការឈានត្រួតពិនិត្យ និងឆែកឆេរស្វែងរកវត្ថុតាងទាំងពីរទីតាំងខាងលើ ។ ទីតាំងទី១ ចំណុចផ្ទះជួលរបស់ឈ្មោះ ទី យៀង ភេទស្រី ភូមិក្បាលស្ពាន១ សង្កាត់/ក្រុងប៉ោយប៉ែត។ វត្ថុតាងចាប់យកមាន៖ ចំនួន២(ពីរ)វ៉ាលីស សង្ស័យសារធាតុញៀន មិនទាន់រាប់ចំនួនច្បាស់លាស់ ។
ទីតាំងទី២ ចំណុចបន្ទប់ជួលរបស់ឈ្មោះ សេង ដាលីសិទ្ធ ភេទប្រុស ស្ថិតក្នុងភូមិបាលិលេយ្យ១ សង្កាត់/ក្រុងប៉ោយប៉ែត -សម្ភារៈវត្ថុតាចចាប់យកមានៈ ចំនួន១កេសដែក សង្ស័យសារធាតុញៀន មិនទាន់រាប់ចំនួនជាក់លាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។