អាជ្ញាធរថៃ ចាត់វិធានការទប់ស្កាត់ការបំពុលខ្យល់ ដែលកើនឡើងខ្លាំង
ប្រទេសថៃ៖ នាយករដ្ឋមន្ត្រីថៃ លោកប្រាយុទ្ធ ចាន់អូចា បានបញ្ជាឲ្យមន្ត្រីពាក់ព័ន្ធចាត់វិធានការប្រយុទ្ធប្រឆាំងនឹងការបំពុលខ្យល់ ដែលកំពុងកើតមានខ្លាំងនៅក្រុងបាងកក និងបណ្តាខេត្តក្បែរៗ នាប៉ុន្មានថ្ងៃមកនេះ នេះបើតាមការចេញផ្សាយរបស់សារព័ត៌មានបាងកកប៉ុស្តិ៍ កាលពីថ្ងៃទី១៦ ធ្នូ ២០២០។
នាយករដ្ឋមន្ត្រីបាននិយាយថា រាជរដ្ឋាភិបាលបានដាក់ចេញវិធានការជាបន្តបន្ទាប់ ប្រយុទ្ធប្រឆាំឆនងកម្រិតភាគល្អិតនៃខ្យល់ពុល PM2.5 ដែលកើនឡើងខ្លាំង ប៉ុន្តែបញ្ហាគឺកាន់តែអាក្រក់ឡើង ដោយសារតែអាកាសធាតុបច្ចុប្បន្ន។ លោកបានជំរុញដល់អ្នកដំណើរប្រើប្រាស់សេវាដឹកជញ្ជូនសាធារណៈ ឲ្យបានច្រើនបំផុត ហើយរដ្ឋាភិបាលនឹងពិចារណាក្នុងការណែនាំពីការកំហិតលើការធ្វើដំណើរតាមមធ្យោបាយឯកជន ក្នុងរាជធានីដែរ។
ខណៈដែលការដុតសំណល់កសិកម្ម គឺជាផ្នែកមួយនៃការនាំឲ្យមានខ្យល់ពុល PM2.5 ខ្លាំងដែរនោះ លោកប្រាយុទ្ធ បាននិយាយថា កសិករនៅមានការខ្វះខាតសម្ភារៈ ក្នុងការទុកដាក់ការចោលកាកសំណល់ដែលមិនឆេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។