ស្រវឹងស្រា ច្រឡំផឹកថ្នាំបាញ់សម្លាប់សត្វខ្យង ពុលស្លាប់ពេលបញ្ជូនទៅមន្ទីរពេទ្យ
បន្ទាយមានជ័យ៖ បុរសម្នាក់ ក្រោយផឹកស្រាស្រវឹង ច្រឡំផឹកថ្នាំបាញ់សម្លាប់សត្វខ្យង បណ្តាលឲ្យពុលស្លាប់ ខណៈដឹកទៅសង្គ្រោះ។ ហេតុការណ៍នេះ បានបង្កឲ្យភ្ញាក់ផ្អើល កាលពីយប់ ថ្ងៃទី១៥ ខែធ្នូ ឆ្នាំ២០២០ ក្នុងភូមិចក ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។
ជនរងគ្រោះឈ្មោះ ព្រិម រ៉ាត់ ភេទប្រុស អាយុ៤០ឆ្នាំ នៅភូមិចកកើត ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។ នៅមុនពេលកើតហេតុ ជនរងគ្រោះ បានផឹកស្រាស្រវឹង ហើយក៏យកថ្នាំបាញ់សម្លាប់សត្វខ្យង មកផឹកបណ្តាលឲ្យពុលស្លាប់តែម្តង។
នគរបាលមូលដ្ឋាន បានបញ្ជាក់ថា កាលពីមុនជនរងគ្រោះ បានផឹកថ្នាំបាញ់ស្មៅម្តងមកហើយ តែជួយសង្គ្រោះបានទាន់ពេល លើកទី០២នេះ ផឹកថ្នាំខ្យងប្រពន្ធព្យាយាមជួយសង្គ្រោះដែរ តែជាអកុសល មិនអាចជួយបាន បណ្តាលឲ្យបាត់បង់ជីវិត ។ សពត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។