ត្រី នឹងចាប់ផ្តើមត្រូវច្រើនចាប់ពីថ្ងៃ ៨កើតរហូត ដល់ថ្ងៃ១០កើត
ភ្នំពេញ៖ ឯកឧត្តម អេង ជាសាន ប្រតិភូរាជរដ្ឋាភិបាលកម្ពុជា ទទួលបន្ទុកប្រធានរដ្ឋបាលជលផល បានបញ្ជាក់ថា ត្រីនឹងចាប់ផ្តើមត្រូវច្រើនចាប់ពីថ្ងៃទី ៨កើតរហូតដល់ថ្ងៃ១០កើត ត្រូវនឹងថ្ងៃទី ២២ដល់ ថ្ងៃទី ២៤ ធ្នូ ឆ្នាំ ២០២០។
ដោយឡែកនៅថ្ងៃ ៦កើតខែបុស្ស ត្រូវនឹងថ្ងៃទី២០ ខែធ្នូ ឆ្នាំ២០២០ ការនេសាទត្រីដោយឧបករណ៍មងនៅតាមដងទន្លេសាបអាចទទួលទិន្នផលប្រមាណ ១៥ទៅ ៣០គីឡូក្រាម។ ដោយឡែកដាយត្រីលេខ ១៣ B និង ១៥C ក្នុងមួយលើកដែលមានរយៈពេលប្រមាណ ៤០ ទៅ៦០ នាទី អាចទទួលបានផលត្រីពីចន្លោះ ២៥០ ទៅ៤៥០គីឡូក្រាម។
សូមបញ្ជាក់ថា រដ្ឋបាលជលផល បានសេចក្តីជូនដំណឹងរួចមកហើយ ដោយបានអំពាវនាវឲ្យ បងប្អូនប្រជាពលរដ្ឋដែលមានបំណងធ្វើត្រីប្រហុក ផ្អក សម្រាប់បរិភោគប្រចាំឆ្នាំ សូមមេត្តារួសរាន់មកទិញត្រី នៅរាជធានីភ្នំពេញ និងខេត្តកណ្ដាល ចាប់ពីថ្ងៃទី ២០ ដល់ ថ្ងៃទី២៦ ខែធ្នូ ឆ្នាំ ២០២០ ខាងមុខ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។