Apple និងHyundai សហការគ្នា គ្រោងផលិតរថយន្តអគ្គិសនី បើកបរដោយស្វ័យប្រវត្តិ នៅឆ្នាំ២០២៤
អាមេរិក៖ ក្រុមហ៊ុន Hyundai Motor និង Apple Inc មានគម្រោងនឹងចុះកិច្ចព្រមព្រៀងជាដៃគូសហការ ក្នុងការផលិតរថយន្ត អគ្គិសនីបើកបរដោយស្វ័យប្រវត្តិនៅក្នុងអំឡុងខែមីនា ខាងមុខនេះ ខណៈដែល សង្វាក់ផលិតកម្មនឹងចាប់ផ្ដើមនៅឆ្នាំ២០២៤ នៅក្នុង ទឹកដីសហរដ្ឋអាមេរិក នេះបើតាមសារព័ត៌មានរ៉យទ័រ ។
ក្រុមហ៊ុន Hyundai Motor និងក្រុមហ៊ុន Apple បានពិភាក្សាគ្នាលើគម្រោងមួយនេះអស់រយៈជាយូរមកហើយ ខណៈដែលសារព័ត៌មានជាច្រើនបានផ្សាយថា Apple គ្រោងនឹងបង្កើតរថយន្តដោយខ្លួនឯងនៅឆ្នាំ២០២៤ ។
ទន្ទឹមគ្នា សារព័ត៌មាន Korea IT News បានចេញផ្សាយដោយបញ្ជាក់ទាំងទីតាំង និងទំហំទឹកប្រាក់នៃការវិនិយោគ ប៉ុន្តែក្រោយពីចេញផ្សាយ បាន ប៉ុន្មាន ក៏លុបចោលទីតាំង និងទំហំទឹកប្រាក់វិញ ដោយរក្សាទុកត្រឹមតែកាលបរិច្ឆេទប៉ុណ្ណោះ ព្រមទាំងបញ្ជាក់ថា ក្រុមហ៊ុនទាំងពីរគ្រោងនឹងដាក់ឱ្យសាកល្បងរថយន្តអគ្គសនីបើកបរដោយស្វ័យប្រវត្តិនេះនៅឆ្នាំក្រោយ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។