ប្រធានគយចល័តលោក ផែន ភឿន ត្រូវបានប្រជាពលរដ្ឋស្នើដល់ ACU ចុះអង្កេត
ខេត្តព្រៃវែង៖ ប្រជាពលរដ្ឋ ព្រមទាំងមន្ត្រីរាជការថ្នាក់ទាប រស់នៅខេត្តព្រៃវែង បានស្នើដល់ ឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយ ចុះស៊ើបអង្កេតស្រាវជ្រាវជុំវិញភាពមិនប្រក្រតី របស់ លោក ផែន ភឿន ប្រធានគយចល័តផ្លូវជាតិលេខ១ និងគូកន បានឃុបឃិតអនុញ្ញាតឲ្យមាននាំចូលទំនិញគេចពន្ធបង្កប់តាមរថយន្តក្រុងដឹកអ្នកដំណើរ និងរថយន្តដឹកទំនិញធុនធំមួយចំនួនទៀត ដឹកចេញពីប្រទេសវៀតណាម ចូលមកក្នុងប្រទេសកម្ពុជា ។
ប្រជាពលរដ្ឋរស់នៅខេត្តព្រៃវែង បានអះអាងថា លោក ផែន ភឿន ប្រធានគយចល័តផ្លូវជាតិលេខ១ កំពុងត្រូវប៉ាន់ជាមួយការប្រមូលលុយដាក់ខែពីរថយន្តក្រុងដែរបង្កប់ទំនិញគេចពន្ធ ដោយក្នុងរថយន្ត១គ្រឿង ត្រូវបង់លុយរាប់ពាន់ដុល្លារអាមេរិកក្នុង១ខែៗ ដើម្បីជាថ្នូរនៃការបើកភ្លើងខៀវអោយក្រុម រថយន្តក្រុងទាំងនោះ និងមិនផាកពិន័យបង់ពន្ធចូលរដ្ឋជាដើម។
ប្រភពបានឲ្យដឹងថា អាជីវករលក់ម៉ូតូអត់ពន្ធ នៅទីប្រជុំជនផ្សារអ្នកលឿង មួយចំនួននៅក្នុង ស្រុកពាមរ៍ ក៏តម្រូវឲ្យពួកគេបង់លុយដាក់ខែ ដោយក្នុង១ខែៗ ត្រូវបង់លុយចាប់ពី ៤០០ដុល្លារ ទៅ៦០០ដុល្លារសម្រាប់ហាង ឬទីតាំងលក់ម៉ូតូអត់ពន្ធ១កន្លែង ទៅអោយលោក ផែន ភឿន ប្រធានគយចល័តផ្លូវជាតិលេខ១។
លោក ផែន ភឿន ប្រធានគយចល័យតាម ផ្លូវជាតិលេខ១ត្រូវបានពួកឈ្មួញចោទថា កំពុងធ្វើឲ្យ ឈ្មួញឬពាណិជ្ជករ ទាំងអ្នករកស៊ីស្របច្បាប់ និងល្មើសច្បាប់ មិនពេញចិត្តជាខ្លាំង ព្រោះរាល់ថ្ងៃនេះ លោក ផែន ភឿន បានដាក់កុងត្រូលជជុះតាមផ្លូវជាតិលេខ១ និងប្រើរថយន្តសម្រាប់បើកដេញតាម ចាប់រថយន្តដឹកផ្លែឈើ និងរថយន្ត ដឹក ទំនិញ ផ្សេងទៀត ដោយបានគាប ឲ្យឈ្មួញ ឬអាជីវកររកស៊ីនាំ ចូលទំនិញដឹកតាមផ្លូវជាតិ លេខ១ពីប្រទេសវៀត ណាម គាប ឲ្យ បង់លុយច្រើនសន្ធឹកសន្ទាបទៅ ឲ្យក្រុមខ្លួនជាប្រចាំថ្ងៃ និងដាក់ប្រចាំ ខែតាមការព្រម ព្រៀង ប៉ុន្តែមិន មានចេញ លិខិត ស្នាម ឬវិក្កយបត្រជូន ទេ។
ចំពោះបញ្ហានេះ ក្រុមឈ្មួញមួយចំនួន ដែលត្រូវ លោក ផែន ភឿន ប្រធានគយចល័ត ផ្លូវជាតិលេខ១ បានបញ្ជា ឲ្យមន្ត្រីជំនាញ ក្រោមឱវាទខ្លួន ចុះគាបលុយពីរបររកស៊ីដឹក ទំនិញបន្លែផ្លែឈើ រត់ពន្ធម៉ូតូ និងទំនិញផ្សេងៗ នាំចូលតាមច្រកទ្វារ មួយចំនួន នៅខេត្តស្វាយរៀង និងខេត្តព្រៃវែង គឺការផាកពិន័យពីពួកគេ ដោយមន្ត្រីគយចល័តទាំងនោះ មិនបានចេញ វិក្កយបត្រជូនពួកគាត់ទេ។
ងាកមកអាជីវករតូចតាចឲ្យដឹងដែរថា សម្រាប់រ៉ឺម៉កដឹកទំនិញសំពីងសំពោង ចេញពីប្រទេសវៀតណាម ឆ្លងកាត់ទីស្នាក់ការគយចល័យផ្លូវជាតិលេខ១ ក៏ត្រូវក្រុមលោក ផែន ភឿន តម្រូវឲ្យបង់លុយឲ្យមន្ត្រីខ្លួនចំនួន១៥០,០០០រៀល ក្នុងរ៉ឺម៉ក១គ្រឿងជាដាច់ខាត។ រីឯរ៉ឺម៉កម៉ូតូដឹកបន្លែវិញ គឺត្រូវលោកគយ តម្រូវឲ្យបង់លុយជូនចាប់ពី ៣ ទៅ ៥ម៉ឺនរៀល ក្នុងការដឹក១ជើងៗ និងសម្រាប់រថយន្តសាំយ៉ុងដឹកបន្លែផ្លែឈើវិញ គឺត្រូវបង់ចាប់ពី ៨ទៅ១៥ម៉ឺនរៀល ក្នុងរថយន្ត១គ្រឿង។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។