សន្តិសុខមកពីបោះឆ្នោតវិញ គ្រោះថ្នាក់ចររាចណ៍របួសទាំងសងខាង
គ្រោះថ្នាក់ចរាចរណ៍រវាងម៉ូតូ និង ម៉ូតូ បណ្ដាលអោយរបួស ២នាក់ ធ្ងន់ ១នាក់ប្រុស ស្រាល ១នាក់ប្រុស វេលាម៉ោង ១៥.៥០នាទីថ្ងៃទី៣០ ខែកក្ដដា ឆ្នាំ២០១៨ លើផ្លូវជាតិលេខ ៣ km 26-27ភូមិអន្លង់រមៀតលិច ឃុំ អន្លង់រមៀត ស្រុកកណ្ដាលស្ទឹង ខេត្ត កណ្ដាល។
សមត្ថកិច្ចបញ្ជាក់ថា ភាគីម៉ូតូម៉ាកZoomer x ពណ៌ ខ្មៅពាក់ស្លាកលេខ ភ្នំពេញ1GY-2472 បើកបរដោយ ឈ្មោះ ធួក ជី ភេទប្រុសអាយុ ៣១ ឆ្នាំនៅភូមិ ត្រើង ឃុំមាន ស្រុក ព្រៃឈរ ខេត្តកំពង់ចាម បើកបរក្នុងទឹសដៅពីត្បូងមកជើង(ពីតាកែវមកភ្នំពេញ)របួសស្រាល ចំណែកម៉ូតូម៉ាកNext ពណ៌ សពាក់ស្លាកលេខ កណ្ដាល1X-7899 បើកបរដោយឈ្មោះ អ៊ុន រតនៈ ភេទប្រុស អាយុ ១៦ឆ្នាំ នៅភូមិ ក្រាំងឈើនាង ឃុំត្បែងស្រុកកណ្ដាលស្ទឹង ខេត្តកណ្ដាល បើកបរឆ្លងផ្លូវពីកើតមកលិចហើយទៅត្បូង របួសធ្ងន់។
សមត្ថកិច្ចបានបញ្ជាក់ថា នៅពេលកើតហេតុម៉ូតូម៉ាកZumer x ពណ៌ខ្មៅក្រហម ពាក់ស្លាកលេខ 1GY-2472 ឈ្មោះធួក ជី ភេទប្រុស អាយុ ៣១ឆ្នាំ ជិៈម្នាក់ឯងបើកបរក្នុងទឹសដៅពីត្បូងមកជើង(ពីតាកែវមកភ្នំពេញ)មកដល់ចំណុចកើតហេតុភូមិឃុំខាងលើបានបុកនិងម៉ូតូ ១គ្រឿងទៀតម៉ាកNext ពណ៌ ស ពាក់ស្លាកលេខ កណ្ដាល 1X-7899បើកបរដោយឈ្មោះ អ៊ុន រតនៈ ភេទប្រុស អាយុ ១៦ឆ្នាំ ជិៈម្នាក់ឯង ចំពីមុខតែម្ដង ដោយម៉ូតូម៉ាកNext បើកបរឆ្លងផ្លូវពីកើតមកលិចហើយទៅត្បូង(ទៅតាកែវ)បណ្ដាលរបួសធ្ងន់ ១នាក់ស្រាល១នាក់។
ចំពោះអ្នករបួសទាំង ២នាក់ត្រូវបានបញ្ជូនទៅមន្ទីពេទ្យលោកសង្ឃ (ភ្នំពេញ)វត្ថុតាងម៉ូតូទាំង ២គ្រឿងកម្លាំងជំនាញបានយកមករក្សារទុកនៅអធិការដ្ឋានជាបណ្ដោះអាសន្នដើម្បីរង់ចាំការដោះស្រាយ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។