បុរសម្នាក់ យកគ្រាប់បែកទៅកែច្នៃ ផ្ទុះស្លាប់ភ្លាមៗ នៅខេត្តឧត្តរមានជ័យ
ខេត្តឧត្តរមានជ័យ៖ កាលពីរសៀល ថ្ងៃទី២១ ខែមេសា ឆ្នាំ២០២១ ម្សិលមិញ មានករណីគ្រោះថ្នាក់ដោយសារគ្រាប់យុទ្ធភណ្ឌមិនទាន់ផ្ទុះ បណ្តាលឲ្យស្លាប់មនុស្សម្នាក់ភ្លាមៗនៅនឹងកន្លែង នៅភូមិត្រពាំងទូង សង្កាត់កូនគ្រៀល ក្រុងសំរោង ខេត្តឧត្ដរមានជ័យ។
ជនរងគ្រោះឈ្មោះ សោន សាវឿន ភេទប្រុស អាយុ៥៣ឆ្នាំ រស់នៅភូមិអូខ្មៅ សង្កាត់កូនក្រៀល ក្រុងសំរោង ខេត្តឧត្តរមានជ័យ។ ជនរងគ្រោះមុនពេលកើតហេតុ បានយកគ្រាប់យុទ្ធភណ្ឌមិនទាន់ផ្ទុះទៅកែច្នៃ ភ្លាមនោះស្លរាប់តែផ្ទុះ បណ្តាលឲ្យស្លាប់តែម្តង។
អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ នៅពេលឃើញគ្រាប់មីន និងគ្រាប់យុទ្ធភណ្ឌមិនទាន់ផ្ទុះ សូមកុំប៉ះពាល់ ដំ គប់លេង ឫកែច្នៃផ្សេងៗ វាអាចបណ្តាលអោយផ្ទុះស្លាប់ របួស ពិការ គ្រប់ពេល និងសូមរាយការណ៍ទៅអាជ្ញាធរមូលដ្ឋាន និងប្រតិបត្តិករបោសសំអាតមីនដែលនៅជិតទីនោះ ដើម្បីយកគ្រាប់ទាំងនោះទៅកំទេចចោល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។