យុវតីសិស្សវិទ្យាលយ័ទួលអំពិលម្នាក់ ត្រូវជនមិនស្គាល់មុខបានចាប់បញ្ចូលរថយន្តដឹកយកទៅបង្ខាំងទុកនៅភូមិគ្រិះមួយកន្លែង
ភ្នំពេញ ៖ ថ្ងែ ទី ៦ ខែសីហា ឆ្នាំ២០១៨ យោងតាមការរៀបរាប់ពីឪពុកបង្កើតយុវតីរងគ្រោះបានបង្ហើបឱ្យដឹងថា កូនស្រីរបស់គាត់មានឈ្មោះសុីមណាវិនអាយុ១៨ឆ្នាំជាសិស្សថ្នាក់ទី១២នៃវិទ្យាល័យទួលអំពិលស្នាក់នៅភូមិពាមសង្កាត់ព្រៃសខណ្ឌដង្កោរាជធានីភ្នំពេញ។
យុវតីសិស្សវិទ្យាលយ័ទួលអំពិលម្នាក់ត្រូវជនមិនស្គាល់មុខបានចាប់បញ្ចូលរថយន្តដឹកយកទៅបង្ខាំងទុកនៅភូមិគ្រិះមួយកន្លែងមិនចាំទីតាំង។ ប្រភពដដែលបានបន្តទៀតថាមុនកើតហេតុកូនគាត់បានចេញពីផ្ទះជិះម៉ូតូមួយគ្រឿងម៉ាកសេ១២៥សេរីឆ្នាំ២០១៣ពណ៌ខ្មៅពាក់ស្លាកលេខភ្នំពេញ1BO9927ទៅរៀនគួរកាលពីថ្ងៃទី៣ខែសីហាឆ្នាំ២០១៨នៅវេលាម៉ោង៣និង០០នាទីរសៀល។ លុះនៅវេលាម៉ោង១១ថ្ងៃត្រង់ថ្ងៃទី៤ខែសីហាក៏បានទទួលទូរស័ព្ទពីកូនស្រីគាត់និយាយបានតែ២ទៅ៣មាត់ស្រែកឱ្យគាត់ជួយស្រាប់តែទូរស័ព្ទបានកាត់ផ្តាច់ប្រពន្ធ័តេទៅវិញតេលែងចូល។ រូបគាត់ក៏បានទៅដាក់ពាក្យបណ្តឹងនៅប៉ុស្តិ៍នគរបាលព្រៃសនិងអាវុធហត្ថខណ្ឌចំការមនឱ្យជួយអន្តរាគមន៏។
ស្រាប់តែនៅវេលាម៉ោង៦យប់ថ្ងៃទី៥ខែសីហាឆ្នាំ២០១៨រូបគាត់ក៏បានទទួលទូរស័ព្ទរោទិ៍។ ស្រាប់តែឮសម្លេងកូនស្រីរបស់តេមកថាឱ្យគាត់មកទទួលនាងនៅប៉ុស្តិ៍នគរបាលបឹងកេងកង២រូបគាត់មានអារម្មណ៍ត្រេកអរយ៉ាងខ្លាំងហើយក៏បានចេញទៅដឹកកូនស្រីរបស់គាត់ត្រឡប់មកផ្ទះវិញ។ខណៈពេលបានជួបកូនស្រីគាត់បានឃើញសភាពកូនគាត់ទន់ខ្សោយនិយាយលែងចង់រួចដោយមានអាការៈអស់កម្លាំងទន់ខ្សោយសូម្បីអង្គុយស្ទើតែមិនចង់កើត។
ពេលដែលគាត់សួថាមានរឿងអីកើតឡើងចំពោះកូនយុវតីរងគ្រោះបានឆ្លើយថានាងត្រូវជនមិនស្គាល់មុខចាប់ញាត់ចូលរថយន្តហើយយកមកបង្ខាំងទុកក្នុងផ្ទះមួយកន្លែងដែលនាងមិនចាំកន្លែងនៅខណ្ឌចំការមន។ក៏មានយុវតីជាង១០នាក់ដែរដែលកំពុងតែស្ថិតនៅបង្ខាំងទុកជាមួយនិងនាងដែរ។ ដោយយុវតីខាងលើនេះមានសំណាងបានរត់គេចផុតចេញមករួចតែម្នាក់ឯងហើយក៏បានស្រែកអោយគេជួយ។ខណៈពេលនេះទាំងកម្លាំងអាវុធហត្ថនិងកម្លាំងនគរបាលកំពុងតែបើកការស្រាវជ្រាវនិងស៊ើបអង្កេតដើម្បីរំដោះក្មេងស្រីចំនួនជាង១០នាក់ទៀតដែលកំពុងតែបង្ខាំងទុកបង្អត់បាយបង្អត់ទឹកនិងស្វែងរកចាប់ឧក្រិដ្ឋជនខាងលើមកផ្តន្ទារទោសតាមផ្លូវច្បាប់នាពេលឆាប់ៗខាងមុខនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។