ថៃ ចំណាយថវិកា ១៤០ពាន់លានបាត ទប់នឹងរលកទី៣ នៃជំងឺកូវីដ
គណៈរដ្ឋមន្ត្រីថៃ បានអនុម័តលើកញ្ចប់ថវិការអន្តរាគមស្រោចស្រង់សេដ្ឋកិច្ចពីវិបត្តិកូវីដ១៩ ក្នុងទំហំទឹកប្រាក់១៤០ពាន់លានបាត ឬជាង ៤.៤ពាន់លានដុល្លារអាមេរិក យកមកទប់ទល់នឹងរលកទី៣ ដោយគេដឹងថា មនុស្សជាង១៣ម៉ឺននាក់ទៀត បានឆ្លង តាំងពីខែមេសាមក ក្នុងការផ្ទុះជាថ្មីនេះ។
អ្នកនាំពាក្យរដ្ឋាភិបាល Anucha Burapachaisri បាននិយាយថា កាលពីថ្ងៃអង្គារ៍ ទី១ ខែមិថុនា ឆ្នាំ២០២១ ថា វិធានការទាំងនេះ រួមបញ្ជូលទាំងការផ្តល់សាច់ប្រាក់ជូនពលរដ្ឋ ជួយទូទាត់ និងការបង្វិលទុនជាដើម ដោយគ្រោងនឹងចាប់ផ្តើមចំណាយ ចាប់ពីខែកក្កដាទៅ។
អភិបាលរាជធានីបាងកក បានព្រមានកាលពីថ្ងៃចន្ទថា សេដ្ឋកិច្ចប្រហែលមិនអាចត្រលប់ទៅរកកម្រិតកំណើនដូចមុនមានជំងឺបានទេ រហូតទាល់តែដើមឆ្នាំ២០២៣៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។