ប្រធាន គ.ជ.ប លោក ស៊ិក ប៊ុនហុក លារលែងពីតំណែង
លោក ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានសម្រេចដាក់ពាក្យលាឈប់ពីតួនាទី ហើយត្រូវបានគណៈកម្មាធិការអចិន្រ្តៃយ៍រដ្ឋសភា ប្រជុំអនុម័តយល់ព្រមនៅថ្ងៃសុក្រនេះ។
បើតាមលោក ឡេង ប៉េងឡុង អ្នកនាំពាក្យរដ្ឋសភាបានបញ្ជាក់ថា ការលាឈប់របស់លោក ស៊ិក ប៊ុនហុក ពីប្រធាន គ.ជ.ប គឺដោយសារលោកមានជំងឺប្រចាំកាយ ហើយត្រូវសម្រាកព្យាបាលសុខភាព។
ក្រោយពីការសម្រេចអនុញ្ញាតឲ្យលោក ស៊ិក ប៊ុនហុក លាឈប់ពីប្រធាន គ.ជ.ប ហើយ នៅថ្ងៃនេះផងដែរ អគ្គលេខាធិការដ្ឋានរដ្ឋសភា ក៏បានប្រកាសជ្រើសរើសបេក្ខជនឈរឈ្មោះជាបេក្ខភាពប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ផងដែរ។
គួរបញ្ជាក់ដែរថា លោក ស៊ិក ប៊ុនហុក បានកាន់តំណែងជាប្រធាន គ.ជ.ប កាលពីឆ្នាំ២០១៥៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។