CDC យល់ព្រមឲ្យរោងចក្រចំនួន២វិនិយោគនៅកម្ពុជា ដែលផ្តល់ការងារជាង៥ពាន់កន្លែង
ក្រុមប្រឹក្សាអភិវឌ្ឍន៍កម្ពុជា (CDC) កាលពីពេលថ្មីៗនេះ បានសម្រេចអនុញ្ញាតិឲ្យក្រុមហ៊ុនចំនួន២ ធ្វើការវិនិយោគនៅកម្ពុជា ដោយបើកជារោងចក្រកាត់ដេរ និងរោងចក្រផលិតកាបូប អាចមានសមត្ថកិច្ចផ្តល់ឱកាសការងារជូនប្រជាពលរដ្ឋកម្ពុជាជាង ៥ពាន់កន្លែង។
ក្រុមហ៊ុនវិនិយោគរោងចក្រទាំង២នោះ រួមមាន៖
១.ក្រុមហ៊ុន G.W GREENWAYS TEXTILE CO.,LTD. គម្រោងបង្កើតរោងចក្រកាត់ដេរ និងប៉ាក់សម្លៀកបំពាក់ ស្ថិតនៅភូមិបន្លាស្អិត សង្កាត់ឃ្មួញ ខណ្ឌសែនសុខ (អតីតខណ្ឌឫស្សីកែវ) រាជធានីភ្នំពេញ មានទុនវិនិយោគប្រមាណ ៥,២៧លានដុល្លារអាមេរិក និងអាចបង្កើតការងារបាន ១.៩២៨ន្លែង។
២. ក្រុមហ៊ុន QIHANG NEW (CAMBODIA) CO.,LTD. គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៥,៦៩លានដុល្លារអាមេរិក និងអាចបង្កើតការងារបាន ៣.៣២៥កន្លែង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។