រថយន្ត បុកម៉ូតូខ្ទេច ខ្ទាតបុរស ២នាក់ស្លាប់នៅនឹងកន្លែង
ខេត្តកំពងស្ពឺ៖ កាលពីយប់ ថ្ងៃទី៣០ ខែមិថុនា ឆ្នាំ២០២១ ករណីគ្រោះថ្នាក់ចរាចរណ៍មួយរវាង រថយន្តបុកម៉ូតូ នៅលើផ្លូវជាតិលេខ៤ ត្រង់ចំណុចភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ បណ្តាលឲ្យបុរសចំនួន ២នាក់ បានស្លាប់ភ្លាមៗនៅកន្លែង។
សមត្ថកិច្ចមូលដ្ឋាន បានឲ្យដឹងថា គេឃើញរថយន្ត ១គ្រឿង ម៉ាកហ៉ីយ៉ាន់ដាយ ពណ៌ស ពាក់ពាក់ស្លាកលេ កំពង់ស្ពឺ 3A-6361 ទិសដៅពីកើតទៅលិច លុះដល់ចំណុចខាងលើ ក៏បានបុកនឹងម៉ូតូ ១គ្រឿង ម៉ាកហុងដាC125 ពណ៌ខ្មៅ ពាក់ស្លាកលេខ កោះកុង1A-1192 ជិះគ្នា២នាក់ បញ្ច្រាសទិសគ្នា បណ្តាលឲ្យស្លាប់ទាំង ២នាក់តែម្តង។
ក្រោយពេលកើតហេតុកម្លាំងសមត្ថកិច្ច បានចុះពិនិត្យនឹងស្រាវជ្រាវរកសាច់ញាតិជនរងគ្រោះទាំង២ ដើម្បីមកទទួលសពយកទៅធ្វើបុណ្យតាមប្រពៃណី។ ចំពោះវត្ថុតាងទាំងពីរ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលត្រែងត្រយឹង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។