សន្តិសុខបង្ក្រាបបទល្មើសនេសាទ ដកហូតស្បៃម៉ុងជិត២០០០ម៉ែត្រនៅស្រុកសង្កែ
ខេត្តបាត់់ដំបង:៖កម្លាំងគណះបញ្ជាការកងឯកភាពស្រុកសង្កែបើកការបង្ក្រាបបទល្មើសនេសាទក្នុងរដូវហាមឃាត់ ដកហូតបានវត្ថុតាងស្បៃម៉ងជិត២០០០ម៉ែត្រនិងបង្គោល៤៧០ដើម។
យោងតាមសមត្ថកិច្ចបានអោយដឹងថា ក្រោយពីមានសេចក្តីរាយការណ៍របស់ប្រជាពលរដ្ឋជុំវិញការលួចប្រព្រឹត្តបទល្មើសនេសាទដោយខុសច្បាប់ ភ្លាមៗនោះមន្ត្រីការិយាល័យជំនាញ ក៏ដូចកម្លាំងគណះបញ្ជាការទាំង៣កងឯកភាពរបស់ស្រុកសង្កែ នៅថ្ងៃទី៣ ខែកញ្ញា ម្សិលមិញនេះបានចុះបើកការបង្ក្រាបជាក់ស្តែងក្នុងភូមិសាស្ត្រជាច្រើនទីតាំងក្នុងតំបន់ទន្លេសាប ស្ថិតក្នុងទឹកដីស្រុកសង្កែ ខេត្តបាត់ដំបង។
សមត្ថកិច្ចបន្តថា ក្នុងកិច្ចប្រតិបត្តិការខាងលើនេះដែរកម្លាំងជំនាញបានចុះពិនិត្យនិងបង្ក្រាបលើភូមិសាស្ត្រចំនួន៤ទីតាំង រួមមាន ៖ចំនុចជំទាវម៉ៅ -ចំនុចអន្លក់ផ្កាត្រោះ ចំនុចបឹងអូរ -និងចំនុចរាំងត្នោត ក្នុងឃុំុកំពង់ព្រះ ស្រុកសង្កែ ខេត្តបាត់ដំបង។
ជាលទ្ធផលក្នុងការបង្ក្រាបកម្លាំងសមត្ថកិច្ចបានកាប់បំផ្លាញនិងប្រមូលសាច់ស្បៃម៉ងបរណរ៉ាវសរុបចំនួន១៩៥០ម៉ែត្រ -បង្គោលចំនួន៤៧០ដើមយកមកធ្វើការដុតបំផ្លាញចោលនៅនឹងកន្លែងផងដែរ។
ជាមួយគ្នានេះដែរ នៅចំពោះមុខសមត្ថកិច្ចបានលើកឡើងប្រសិនបើប្រជានេសាទមួយចំនួននៅតែបន្តការនេសាទល្មើសច្បាប់មិនរាងចាលកម្លាំងជំនាញនឹងបន្តបើកការបង្ក្រាបជាថ្មីបន្តបន្ទាប់ថែមទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។