ប្រទេសថៃគ្រោងរៀបចំការបោះឆ្នោតជាតិ នៅខែកុម្ភៈ ឆ្នាំ២០១៩
ស្ថានភាពនយោបាយនៅថៃកាន់តែស្មុគស្មាញក្រោយពេលគណបក្សនយោបាយធំៗនៅក្នុងប្រទេសថៃ បានប្រកាស រួមដៃគ្នា ដើម្បីកាត់បន្ថយឥទ្ធិពលនៃរបបយោធា នៅក្នុងប្រទេសនេះ ។ ក្រុមយោធាបានបង្កើតឥទ្ធិពលយ៉ាងខ្លាំង នៅក្នុងការបោះឆ្នោតនាពេលខាងមុខ។
នៅក្នុងបទសម្ភាសន៍ពីរផ្សេងគ្នា កាលពីពេលកន្លងមក របស់បណ្តាញព័ត៌មាន Bloomberg បានបញ្ជាក់ថា មេដឹកនាំជាន់ខ្ពស់ របស់គណបក្សភឿថៃ ដែលមានទំនាក់ទំនងជិតស្និទ្ធជាមួយអតីតនាយករដ្ឋមន្ត្រីថាក់ស៊ី និង យីងឡាក់ និងគណបក្ស ប្រជាធិបតេយ្យ របស់ អតីតនាយករដ្ឋមន្ត្រី អភិស៊ី វាចាជីវ៉ា បានប្រកាសថា គណបក្សទាំងពីរ អាចនឹងបង្កើនសម្ព័ន្ធមិត្ត ក្រោយការបោះឆ្នោត ដែលគ្រោងធ្វើឡើងនៅខែកុម្ភៈឆ្នាំ២០១៩។
គណបក្សទាំងពីរ ជាគូបដិបនិងគ្នាជាច្រើនទស្សវត្តន៍កន្លងមក ប៉ុន្តែនៅពេលនេះ គណបក្សទាំងពីរ មានរួមគូប្រជេង គឺ រដ្ឋាភិបាលយោធា ។ ថៃស្ថិតនៅក្រោមការដឹកនាំរបស់រដ្ឋាភិបាលយោធា ដែលមានអតីតមេបញ្ចាការកងទ័ពជើងគោក លោក ប្រាយុទ្ធចាន់អូចារ្យ តាំងពីការធ្វើរដ្ឋប្រហារនៅក្នុងឆ្នាំ២០១៤។
បច្ចុប្បន្ន ថៃស្ថិតនៅក្រោមការដឹកនាំរបស់រដ្ឋាភិបាលយោធាដដែល ហើយបានបង្កើតឥទ្ធិពលកាន់តែខ្លាំងឡើងនៅក្នុងជួររដ្ឋាភិបាល ។ ទាំងគណបក្ស ភឿថៃ និង ប្រជាធិបតេយ្យ បានបង្ហាញក្តីបារម្ភ ពីការបោះឆ្នោតនៅក្នុងសភាគាំទ្រ លោកប្រាយុទ្ធ ចានអូចារ្យបន្តដឹកនាំប្រទេស ក្រោយការបោះឆ្នោតខាងមុខ ។ ទាំងនោះហើយគណបក្សទាំងពីរ នឹងខិតខំក្នុងការរារាំងសកម្មភាពខាងលើ ។
តាមរដ្ឋធម្មនុញ្ញថ្មី ក្រោយការធ្វើរដ្ឋប្រហារកាលពីឆ្នាំ២០១៤ តំណាងរាស្ត្រ ២៥០រូប នឹងត្រូវបានតែងតាំងពីកម្លាំងយោធា ។ ទាំងនោះហើយយោធា មានសិទ្ធសម្រេច ការជ្រើសរើសនាយករដ្ឋមន្ត្រីបន្ទាប់ ។
ទាំងនោះហើយបើគណបក្សធំទាំងពីរមិនរួបរួមទេនោះ ក្រោយការបោះឆ្នោត គឺមេដឹកនាំយោធា ជាអ្នកកាន់តំណែងនាយករដ្ឋមន្ត្រីដឹកនាំប្រទេសដដែល។
សារព័ត៌មាន Boomberg បានដកស្រងសម្តីលោក Chaturon មន្ត្រីជាន់ខ្ពស់នៅក្នុងគណបក្សភឿថៃ បានបញ្ចាក់ថា គណបក្ស របស់លោកនឹងទទួលបានជ័យជំនៈនៅក្នុងការបោះឆ្នោត នាពេលខាងមុខ ។ មន្ត្រីខាងលើបានបញ្ចាក់ទៀតថា ដោយសារតែគណបក្ស ភឿថៃ និងប្រជាធិបតេយ្យ ជាគូរប្រជេង ច្រើនទស្សនវត្តន៍កន្លងមក ដូច្នេះប្រប្រជេងគ្នាទៀត នឹងពិបាកយកឈ្នះរបបយោធាថៃ ដូច្នេះមានតែរួបរួមប៉ុណ្ណោះទើប ទទួលជោគជ័យ។
ក្នុងពេលជាមួយគ្នានេះ អតីតនាយករដ្ឋមន្ត្រីថៃ កាលពីឆ្នាំ២០០៨-២០១១ លោក អាភីស៊ី បានបញ្ចាក់ថា តំណាងរាស្ត្រ ២៥០រូប ចាំបាច់ត្រូវតែគោរព ទៅតាមគោលបំណងរបស់ពលរដ្ឋ ក្នុងការជ្រើសរើសនាយករដ្ឋមន្ត្រី ។ លោកអាភិស៊ីបានបញ្ចាក់ថា «តើយើងបោះឆ្នោត ដើម្បីអ្វី បើបោះឆ្នោតអត់នៃដដែលនឹង ។ យើងទាំងអស់គ្នាត្រូវតែទទួលខុសត្រូវ ចំពោះ ប្រទេសជាតិ»។
នាយករដ្ឋមន្ត្រីថៃ លោកប្រាយុទ្ធចានអូចារ បានបញ្ចាក់ថា ការបោះឆ្នោត ជាតិ នឹងត្រូវធ្វើឡើងនៅថ្ងៃទី ២៤ខែកុម្ភៈឆ្នាំ២០១៩ ។ ក្រុមអ្នកជំនាញបានលើកឡើងថាក្រោយការបោះឆ្នោតរដ្ឋាភិបាលយោធាថៃនិងបន្តកាន់អំណាចដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។