កម្ពុជានឹងចាក់វ៉ាក់សាំងកូវីដ១៩ដូសទី៣ ជូនពលរដ្ឋ ដោយប្រើវ៉ាក់សាំងអាស្រ្តាហ្សានីការ
សម្តេច ហ៊ុន សែន នាយករដ្ឋមន្រ្តី នៃកម្ពុជា នៅព្រឹកមិញនេះបានបញ្ជាក់ថា ប្រជាពលរដ្ឋដែលចាក់វ៉ាក់សាំងស៊ីណូវ៉ាក់ និង ស៊ីណូហ្វាម រួចហេីយ នឹងទទួលបានការចាក់ដូសទីបីគឺ អាស្ត្រាហ្សានីការតែម្តង។
ជាមួយគ្នានេះ សម្តេចបានណែនាំឱ្យបញ្ជាទិញវ៉ាក់សាំងអាស្ត្រាហ្សានីការ ដេីម្បីត្រៀមចាក់ជាដូសទីបី ជូនពលរដ្ឋដែលចាក់វ៉ាក់សាំងលេីកទីពីររួចរាល់។
ដោយឡែកចំពោះអ្នកចាក់ដូសទី១ ទី២ អាស្ត្រាហ្សានីការវិញនោះ នោះដូសទីបី មិនទាន់កំណត់ថាត្រូវចាក់វ៉ាក់សាំងមួយណានោះទេ ។ សម្ដេចតេជោបញ្ជារឱ្យសិក្សាជាបន្ទាន់ចំពោះដូសទីបី សម្រាប់អ្នកដែលចាក់អាស្ត្រាហ្សានីការ ដូសទី១និងទី២។
សម្តេចបានបញ្ជាក់ថា ការចាក់ដូសទីបី នឹងធ្វេីឡេីងចំពោះក្រុមជាអទិភាព និងក្រុមជួរមុខជាមុន ដែលមានមនុស្សប្រមាណ៥០ម៉ឺននាក់ រួមមានគ្រូពេទ្យ ទាហ៊ានជាដើម ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។