៧ខែដើម ឆ្នាំនេះ! សាខាកាកបាទក្រហមកម្ពុជាខេត្តសៀមរាប បានផ្ដល់អំណោយមនុស្សធម៌ជូនដល់គ្រួសាររងគ្រោះ និងងាយរងគ្រោះជាង ១.៧០០គ្រួសារ
ខេត្តសៀមរាប៖ ក្រោមការដឹកនាំរបស់ឯកឧត្តម ទៀ សីហា អភិបាលខេត្តសៀមរាប និង ជាប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប រយៈពេល៧ខែដើមឆ្នាំ២០២១នេះ សាខាកាកបាទក្រហមកម្ពុជាខេត្តបានផ្ដល់អំណោយមនុស្សធម៌ ដល់គ្រួសាររងគ្រោះ និងងាយរងគ្រោះ ជាជម្រក ស្បៀងអាហារ និងសម្ភារផ្សេងៗ សរុបចំនួន១.៧៨៤គ្រួសារ ក្នុងនោះសម្រាប់គ្រួសារងាយរងគ្រោះចំនួន ១.៣៨៥គ្រួសារ រួមមាន ៖ គ្រួសារក្រីក្រចំនួន ៥១៦គ្រួសារ , ស្ត្រីមេម៉ាយ ចំនួន០១គ្រួសារ , ជនចាស់ជរាចំនួន ២៩នាក់ , អ្នកជម្ងឺរ៉ាំរ៉ៃចំនួន ០៨នាក់ , ជនពិការចំនួន ០៨នាក់ , ម្ដាយទើបសម្រាលកូនចំនួន ១១១នាក់ , សង់ផ្ទះមនុស្សធម៌ចំនួន ៣ខ្នង , ឧបត្ថម្ភដល់វត្តអារាមបានចំនួន ០៤វត្ត , ប្រជាពលរដ្ឋក្នុងមណ្ឌលចត្តាឡីស័កចំនួន ២១៧នាក់ , ក្មេងកំព្រា និង កុមារគ-ថ្លង់បានចំនួន ៤៨៨នាក់ ព្រមទាំងបានផ្ដល់ថវិកាជូនមន្ទីរពេទ្យកុមារអង្គរខេត្តសៀមរាប ជូនមាតាទើបសម្រាលកូនតាមមណ្ឌលសុខភាពចំនួន២ និងនៅពន្ធនាគារចំនួន០១ សរុបចំនួន ១១០នាក់ ។
ជាមួយគ្នានេះដែរ សាខាកាកបាទក្រហមកម្ពុជាខេត្ត ក៏បានជួយដល់គ្រួសាររងគ្រោះដោយគ្រោះមហន្ដរាយ ដូចជា៖ ខ្យល់កន្ត្រាក់ អគ្គីភ័យ និងឧបទ្ទវហេតុផ្សេងៗ បានចំនួន ៣៩៩គ្រួសារ ក្នុងនោះមាន៖ រងគ្រោះដោយរលំផ្ទះចំនួន ៧៣ខ្នងផ្ទះ , របើកដំបូលចំនួន ២៤៣ខ្នង របួស០២នាក់ , ជនរងគ្រោះដោយរន្ទះបាញ់ស្លាប់ចំនួន ០៦នាក់ និង រងរបួសចំនួន ០៨នាក់ , គ្រោះអគ្គីភ័យចំនួន ២៣ខ្នងផ្ទះ , គ្រោះថ្នាក់ចរាចរណ៍របួសចំនួន ០៤នាក់ , លង់ទឹកស្លាប់ចំនួន ២៣នាក់ , ឆក់ខ្សែភ្លើង ០៤នាក់ ចូលរួមសពចំនួន ០៥នាក់ និង ឧបទ្ទវហេតុផ្សេងៗចំនួន ០៨នាក់។
ក្រៅពីសាខាកាកបាទក្រហមកម្ពុជាខេត្តសៀមរាប បានសហការណ៍ជាមួយមន្ទីរសាធារណការ និងដឹកជញ្ជូនខេត្ត និងអង្គភាពនគរបាលខេត្ត លើការងារសុវត្ថិភាពចរាចរណ៍ ដោយបានដឹកនាំមន្ត្រីប្រតិបត្តិសាខា យុវជន និងអ្នកស្ម័គ្រចិត្តកាកបាទក្រហមកម្ពុជា ចុះអប់រំផ្សព្វផ្សាយពីសុវត្ថិភាពចរាចរណ៍ជូនប្រជាពលរដ្ឋក្នុងសហគមន៍ សិស្សានុសិស្សក្នុងសាលារៀន និងនៅតាមទីសាធារណៈបានចំនួន ២០លើក, បើកយុទ្ធនាការសុវត្ថិភាពចរាចរណ៍ថ្នាក់ខេត្ត០១លើក ដែលរៀបចំដោយក្រសួងសាធារណការនិង ដឹកជញ្ជូន, ចូលរួមវគ្គបណ្ដុះបណ្ដាលពីចម្ងាយស្ដីពីសុវត្ថិភាពចរាចរណ៍ និងពិការភាពបាន០២វគ្គ និង បានសង់ជម្រាលគាំទ្រជនពិការចំនួន១កន្លែង ក្នុងសាលារៀនផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។