កុមារកម្ពុជាពីររូបឈ្នះមេដាយប្រាក់ ពីការប្រកួតកម្មវិធីបោះជំរុំកុមារសាយប័រអាស៊ាន

ក្រសួងប្រៃសណីយ៍និងទូរគមនាគមន៍ នៅថ្ងៃនេះ បានសម្តែង​ការ​អបអរសាទរ និងកោតសរសើរចំពោះកុមារកម្ពុជាពីររូបដែលបាន​ឈ្នះមេដាយប្រាក់ ពីការប្រកួតប្រជែងកម្មវិធីបោះជំរុំកុមារសាយប័រអាស៊ាន ឆ្នាំ២០២១ (ASEAN CYBERKIDS CAMP 2021)។

កុមារកម្ពុជាទាំង២រូបនោះ គឺកុមារា ជិន មុនីរាជ មកពីសាលាបឋមសិក្សានរោត្តម និងកុមារី រស់ អេនចល់ឡា មកពីសាលាបឋមសិក្សាដង្កោ។

សូម​បញ្ជាក់ថា ការប្រកួតប្រជែងកម្មវិធីបោះជំរុំកុមារសាយប័រអាស៊ាន ត្រូវ​បាន​បង្កើតដោយរដ្ឋសមាជិកអាស៊ានតាំងពីឆ្នាំ២០០៨ មានគោលដៅលើកកម្ពស់កិច្ចសហប្រតិបត្តិការ ការធ្វើការជាក្រុម ការវិភាគលើបញ្ហា និងស្វែងរកដំណោះស្រាយដោយប្រើប្រាស់បច្ចេកវិទ្យាឌីជីថល និងធ្វើការប្រកួតប្រជែងក្នុងការសរសេរកូដកម្មវិធីគំនូរជីវចល។

នៅក្នុងឆ្នាំនេះក្រសួងប្រៃសណីយ៍និងទូរគមនាគមន៍នៃព្រះរាជាណាចក្រកម្ពុជាបានធ្វើជាម្ចាស់ផ្ទះក្នុងការរៀបចំកម្មវិធី ដែលមានការចូលរួមពីកុមារ អាយុមិនលើសពី១២ឆ្នាំ នៃបណ្តាប្រទេសសមាជិកអាស៊ាន ហើយកម្ពុជាបានបញ្ជូនកុមារចូលរួមចំនួន២នាក់ គឺកុមារា ជិន មុនីរាជ មកពីសាលាបឋមសិក្សានរោត្តម និងកុមារី រស់ អេនចល់ឡា មកពីសាលាបឋមសិក្សាដង្កោ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close