លោកទេសរដ្ឋមន្រ្តី ស៊ុន ចាន់ថុល ធ្វើ​​​ទស្សន​​​កិច្ច​​​នៅ​​​តំបន់​​​គ្មាន​​​កង​​​ទ័ព​​​របស់​​​កូរ៉េ​​​ខាងត្បូង (DMZ) ដែល​​​ឋិត​​​នៅ​​​តាម​​​ព្រំ​​​ដែន​​​កូរ៉េខាងត្បូង និងខាងជើង

នៅថ្ងៃទី១៩ ខែកញ្ញា ឆ្នាំ២០១៨ ក្នុងដំណើរអញ្ជើញចូលរួមសន្និសីទស្តីពី កិច្ចសហប្រតិបត្តិការហេដ្ឋារចនាសម្ព័ន្ធសាកល លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឆ្លៀតឱកាសអញ្ជើញ​​​បំពេញទស្សនកិច្ចតំបន់គ្មានកងទ័ព ដែលបច្ចុប្បន្នត្រូវចាត់ទុកថាជាតំបន់ មានសុវត្ថិភាពដោយសារស្ថានភាពនយោបាយ រវាងប្រទេសទាំងពីរមានភាពប្រសើរឡើង។

តំបន់ប្រវត្ដិសាស្ដ្រនេះ ត្រូវបានបង្កើតឡើងតាមរយៈបទប្បញ្ញត្តិនៃកិច្ចព្រមព្រៀងយុទ្ធសន្តិភាពកូរ៉េ ដែលជា តំបន់អព្យាក្រឹត្យរវាងកូរ៉េខាងជើង និងកូរ៉េខាងត្បូង ដែលបច្ចុប្បន្ន បានទាក់ទាញភ្ញៀវទេសចរជាច្រើន ដែលមានបំណងចង់ស្វែងយល់បន្ថែមអំពីជម្លោះកាលពីអតីតកាលរវាងប្រទេសទាំងពីរ។ សង្រ្គាមឧបទ្វីបកូរ៉េបានផ្ទុះឡើងចាប់ពីឆ្នាំ១៩៥០ ដល់ឆ្នាំ១៩៥៣ ដែលក្រោយមកកិច្ចព្រមព្រៀងសន្តិភាពមួយត្រូវបានចុះហត្ថលេខា។ មនុស្សប្រមាណជាង ៣៦.០០០ នាក់ ត្រូវបានគេប៉ាន់ប្រមាណថា បានស្លាប់នៅក្នុងអំឡុងពេលនៃជម្លោះនេះ៕

 

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close