អូស្ត្រាលី បិទជំរុំជនភៀសខ្លួនដើម្បីទប់ស្កាត់ ជនអន្តរបវេសខុសច្បាប់
អ្នកនាំពាក្យក្រសួង អន្តោបវេសន៍អូស្ត្រាលីលោក David Coleman បានប្រកាសថា «មជ្ឈមណ្ឌុល ជនភៀសខ្លួន ត្រូវបានបិទទ្វា ហើយជនភៀសខ្លួន៣០នាក់ ត្រូវបានបញ្ចូនទៅកាន់ តំបន់ផ្សេង។
នេះជាការខិតខំ របស់រដ្ឋាភីបាលទីក្រុង Canberra ដើម្បីរារាំងការជួញដូរមនុស្ស ខុសច្បាប់ចូលទៅកាន់អូស្ត្រាលី ។ កន្លងមកជនភៀសខ្លួនត្រូវបានបញ្ចូនទៅកាន់កោះ មួយ និងជំរុំជនភៀសខ្លួនផ្សេងទៀត នៅ Papua new Guinea និង Nauru ស្ថិតនៅតបំបន់សមុទ្រប៉ាស៊ីហ្វិក។
នាវាដឹកជនភៀសខ្លួន បានធ្វើដំណើរជារៀងរាល់ថ្ងៃ ពីទីតាំងផ្សេងៗនៅក្នុងប្រទេសឥណ្ឌូនេស៊ី និងស្រីលង្ការ ដោយដឹកអ្នកដំណើរ ពីអាហ្វហ្គានីស្ថាន និងមជ្ឈឹមបូព៌ា ។នាវាដឹកជនភៀសខ្លួនជាច្រើនបានលិច នៅកណ្តាលសមុទ្រ ពេលកំពុងធ្វើដំណើរចូលទៅកាន់ទឹកដីអូស្ត្រាលី ។
រដ្ឋាភីបាលអូស្ត្រាលីបានបដិសេធ ទទួលជនភៀសខ្លួនចូលទៅកាន់អូស្ត្រាលីតាំងពី ចុងឆ្នាំ២០១៣។ នាវាដឹកអ្នកដំណើរត្រូវត្រឡប់ទៅស្រុកវិញ។ លោក Caleman បញ្ចាក់ថា ចាប់តាំងពីខែកក្កដាឆ្នាំ២០១៣មកទលពេលនេះ មានជនភៀសខ្លួនជាង ១០ពាន់នាក់រស់នៅក្នុងជំរុំជនភៀសខ្លួន អូស្ត្រាលី ក្នុងនោះមានកុមារ ២ពាន់នាក់ ។
ជំរុំជនភៀសខ្លួន មានចម្ងាយពីទីក្រុងPerth ប្រមាណ ២៣០០គីឡូម៉ែត្រ នៅភាគខាងជើង ត្រូវបានបង្កើតឡើងនៅឆ្នាំ២០០៨។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។