អាជ្ញាធរខេត្តកំពតប្រាប់ដល់ប្រជាពលរដ្ឋរស់នៅអមសងខាងដងព្រែកកំពង់បាយប្រុងប្រយ័ត្ន ព្រោះទំនប់អគ្គិសនីកំចាយនឹងបើកទ្វារទឹក
កំពត ៖ យោងតាមសេចក្តីជូនដំណឹងរបស់រដ្ឋបាលខេត្តកំពតចេញផ្សាយនៅព្រឹកមិញបានឲ្យដឹងថា នៅវេលាម៉ោង១០ព្រឹកថ្ងៃទី២០ ខែតុលា ឆ្នាំ២០១៨ កម្ពស់ទឹកក្នុងអាងទំនប់វារីអគ្គិសនីកំចាយ បានឡើងដល់កម្ពស់ ១៤៦,៩៥ម៉ែត្រ ដោយទឹកហូរចូលមានចំនួន ៦៦០០ម៉ែត្រគូបក្នុង១វិនាទី។
ដូច្នេះក្រុមបច្ចេកទេសរបស់ក្រុមហ៊ុនវារីអគ្គិសនីកំចាយ នឹងបើកទ្វារដើម្បីរំដោះទឹកជាបណ្តើរៗចេញពីទំនប់វារីអគ្គិសនីនេះ ។ ការបើកទ្វារទឹកនេះ នឹងបណ្តាលឲ្យជន់លិចនៅភូមិសាស្ត្រឃុំស្រុកមួយចំនួននៅអមសងខាងដងព្រែកកំពង់បាយ។
ក្នុងនោះរដ្ឋបាលខេត្តកំពត សូមស្នើដល់អាជ្ញាធរភូមិ ឃុំស្រុក បង្កើនការយកចិត្តទុកដាក់ខ្ពស់ និងត្រៀមលក្ខណៈធ្វើការជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាពក្នុងករណីគ្រោះអាសន្នកើតមានឡើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។