ក្រសួង​ស្នើ​ដល់​បងប្អូន​ប្រជា​នេសាទ និង​អ្នកធ្វើដំណើរ​តាម​សមុទ្រ​ប្រុងប្រយ័ត្ន​

ក្រសួង​ធនធានទឹក និង​ឧតុនិយម នៅថ្ងៃនេះ បានចេញ​ប្រកាស​មួយ ដោយ​សូម​ឲ្យ​បងប្អូន​ប្រជា​នេសាទ និង​អ្នកធ្វើដំណើរ​តាម​សមុទ្រ បង្កើន​ការប្រុងប្រយ័ត្ន​ខ្ពស់​។​

​តាម​ក្រសួង​ឲ្យ​ដឹងថា នៅវេលា​ម៉ោង​១​រំលង​អា​ធ្រា​ត្រ​ឈានចូល​ថ្ងៃទី​២០ តុលា មាន​វិ​សម្ពាធ​មួយ​បាន​កើតឡើង​នៅក្នុង​ឈូង​សមុទ្រ​ថៃ​។ វិ​សម្ពាធ​នេះ បាននិងកំពុង​ធ្វើដំណើ​រ​ឆ្ពោះទៅកាន់​ប្រទេស​ថៃ​។​

​វិ​សម្ពាធ​នេះ ក៏​នឹងមាន​ឥទ្ធិពល​លើ​ព្រះរាជាណាចក្រ​កម្ពុជា​ផងដែរ ដោយ​បង្ក​ឲ្យ តំបន់​មាត់សមុទ្រ ផ្ទៃមេឃ​មាន​សភាព​អាប់អួរ មាន​ភ្លៀង​ធ្លាក់​ខ្លាំង ខ្យល់​បក់​មាន​ល្បឿន​ពី ១៧-១៩ ម៉ែត្រ​ក្នុង​មួយ​វិនាទី​។ រលក​សមុទ្រ​មាន​កម្ពស់​ខ្ពស់ៗ ពិសេស​ថ្ងៃទី​២០ និង​ថ្ងៃទី​២១ ខែតុលា​។​

​បណ្តា​ខេត្ត​ដែល​ស្ថិតនៅតាម​បណ្តោយ​ព្រំដែន​កម្ពុជា​-​វៀតណាម អាច​នឹងមាន​ភ្លៀង​ធ្លាក់​ពី​បង្គួរ​ទៅ​ច្រើន ហើយ​តំបន់​ខ្ពង់រាប មាន​ភ្លៀង​ធ្លាក់​ពី​តិច​ទៅ​មធ្យម​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close