ពិធីបើកការដ្ឋានអភិរក្ស និងជួសជុលរោងទងទី៣ ខាងជើងឈៀងខាងលិច ប្រាសាទបន្ទាយឆ្មារ
កាលពីថ្ងៃអាទិត្យ ចុងសប្តាហ៍នេះ លោកជំទាវ នេត្រ ភូម៉ារី តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ អញ្ជើញជាអធិបតី ក្នុងពិធីបើកការដ្ឋានអភិរក្ស និងជួសជុលរោងទងទី៣ ខាងជើងឈៀងខាងលិច ប្រាសាទបន្ទាយឆ្មារ ។
ការដ្ឋានអភិរក្ស និងជួសជុលរោងទងទី៣ ខាងជើងឆៀងខាងលិច ប្រាសាទបន្ទាយឆ្មារ ជាការឧបត្ថម្ភគាំទ្រជាសម្ភារៈ និងថវិកាដ៏មហាសប្បុរស របស់លោកជំទាវឧកញ៉ា ហេម ចិន្តា ម៉ៅ ម៉ាល័យ កែ គឹមយ៉ាន។
ក្នុងឱកាសនោះក្នុងនាមលោកជំទាវបណ្ឌិតសភាចារ្យ រដ្ឋមន្ត្រី បានថ្លែងនូវអំណរគុណយ៉ាងជ្រាលជ្រៅ ចំពោះទឹកចិត្តដ៏ជ្រះថ្លារបស់លោកជំទាវឧកញ៉ា ហេម ចិន្តា ម៉ៅ ម៉ាល័យ កែ គឹមយ៉ាន អគ្គមហាឧបាសិកាពុទ្ធសាសនូបត្ថម្ភ ដែលលោកទាំងពីរ មានទឹកចិត្តស្រឡាញ់សម្បត្តិបេតិកភណ្ឌវប្បធម៌ជាតិ ព្រមទាំងសប្បុរសជនមួយចំនួនទៀត ដែលបានបរិច្ចាកធនធានដ៏ច្រើនដើម្បីជួយអភិរក្ស និងជួសជុលក្នុងរមណីយដ្ឋានប្រាសាទបន្ទាយឆ្មារនេះ អោយមានភាពប្រសើរឡើងវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។