សណ្ឋាគារលំដាប់ផ្កាយ៥ “អង្គរអេរ៉ា” នៅក្នុងខេត្ត សៀមរាប គឺជាឃ្លាំងស្តុកឈើដ៏ធំ

សៀមរាបៈ គួរអោយភ្ញាក់ផ្អើរណាស់ សណ្ឋាគារ “អង្គរអេរ៉ា”លំដាប់ផ្កាយ៥ គឺជាឃ្លាំងស្ទុក​ឈើ​យ៉ាងធំចំកណ្តាលក្រុងសៀមរាប ដែរស្ថិតនៅភូមិខ្នា សង្កាត់ជ្រាវ ក្រុងសៀមរាប ខេត្តសៀមរាប ។

បើតាមការអោយដឹងពីសំណាក់មហាជន សណ្ឋាគារ “អង្គរអេរ៉ា”កំពុងតែទទួលទិញឈើល្មើសច្បាប់គ្រប់ប្រភេទពីសំណាក់ក្រុមឈ្មួញរកស៊ីឈើ ធ្វើអោយក្រុមឈ្មួញទាំងនោះនាំគ្នានិយាយអួតអាងថា ពួកគេមិនខ្វល់ពីមន្ត្រីជំនាញខាងណាទាំងអស់ ព្រោះពួកគេមានខ្នងបង្អែក​យ៉ាងធំ គឺ​ម្ចាស់សណ្ឋាគារ “អង្គរអេរ៉ា” ឈ្មោះ ស៊ីណា តួ​នាទីជាមន្ត្រីក្រសួងប្រឆាំងអំពើពុករលួយ ដែលមានឋានៈថ្នាក់ជាន់ខ្ពស់ប្រធានភូមិភាគ។

ប្រភពមួយ បានបែកធ្លាយ កាលពីពេលថ្មីៗនេះបានបង្ហើបប្រាប់ថា ស្ទើ​តែរាល់ថ្ងៃ រាល់​យប់ គេតែងតែសង្គេតឃើ​ញ មានរថយន្តពាក់ស្លាក់លេខទាហាន នឹងរថយន្តជាច្រើ​នតែងតែដឹកឈើ​ចូលតាមច្រកផ្លូវខាងក្រោយសណ្ឋាគារ (អង្គរអេរ៉ា) ដើ​ម្បីទម្លាក់​ឈើ។

ប្រភពខាងលើ បានបន្ថែមទៀតថា បើទោះបីជាមន្ត្រីជំនាញគ្រប់ស្ថាប័ន​ក្នុងខេត្តសៀមរាបដឹងថា សណ្ឋាគារ “អង្គរអេរ៉ា” ជាកន្លែងឃ្លាំងស្ទុកឈើយ៉ាងធំក៏ដោយ ក៏​គ្មានមន្ត្រីជំនាញណាហ៊ានចេញមុខ ឬ​ដឹកនាំកម្លាំង​ចុះមកបង្ក្រាបដែរនេះជាហេតុធ្វើអោយមានការរិះគន់ពីសំណាក់មហាជនថា មន្ត្រីជំនាញពាក់ព័ន្ធ​គ្រប់ស្នាប័នក្នុងខេត្តសៀមរាប អសមត្ថិភាព ក្នុងការបង្ក្រាបបទល្មើសជាក់ស្តែងចំពោះអ្នកមានអំណាច តែចំពោះអ្នកក្រគ្មានលុយ និ​ងគ្មានអំណាចបក្ខពួកវិញ គឺអនុវត្តច្បាប់មានប្រសិទ្ធិភាពណាស់។

ចំពោះករណីខាងលើនេះ​ មិនអាចស៉ំការបញ្ជាក់ពី លោក ស៊ី ណា ម្ចាស់សណ្ឋាគារ “អង្គរ អេរ៉ា” បានឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close