បែកធ្លាយលោក ហ៊ុប ថៃ ប្រធានភាសុីផ្សាលើខេត្តសៀមរាបមិនគោរពតាមច្បាប់សៀវ ភៅបន្ទុករបស់ក្រសួងសេដ្ឋកិច្ចនិងហិរញ្ញវត្ថុ !!
សៀមរាបៈ លោក ហ៊ុប ថៃ ដែរគេស្គាល់ថាជា ប្រធានភាសុីផ្សាលើខេត្តសៀមរាប ត្រូវបានមជ្ឈដ្ឋានពលរដ្ឋ បានធ្វើការរិះគន់ចំពោះការមិនគោរពទៅតាមសៀវភៅបន្ទុកនៃការយកភាសុីពីពលរដ្ឋ ឬអាជីវកលក់ដូរនៅក្នុងផ្សារនោះឡើយ ដូចជាកន្លែងផ្ញើ ម៉ូតូ.កង់.រថយន្ត និងកន្លែងផ្សារមេឃជាដើមមិនដែលបានគោរពទៅតាមច្បាប់កំណត់ក្នុងសៀវភៅបន្ទុកនៃកិច្ចសន្យារបស់ក្រសួងសេដ្ឋកិច្ចនិងហិរញ្ញវត្ថុនោះទេ។
បើតាមប្រភពសូមមិនបញ្ចេញឈ្មោះ បានអោយដឹងថាលោក ហ៊ុប ថៃ បានដេញថ្លៃធ្វើ អាជីវកម្មជាច្រើនកន្លែងក្នុងនោះមានដូចជាផ្សារក្រោម.ផ្សារពួក និងផ្សារលើ ផ្សារទាំងនេះសុទ្ធតែគ្រប់គ្រងដោយលោក ហ៊ុប ថៃ ក៏ប៉ុន្តែប្រភពសេដ្ឋកិច្ចដ៏សំខាន់និងលេចធ្លោខ្លាំង ជាងគេគឺផ្សារលើធំថ្មីនេះតែម្តង។
ប្រជាពលរដ្ឋជាច្រើនបានរអ៊ូរអំពីការកកស្ទះចរាចរណ៍ នៅពេលដែរធ្វើដំណើរឆ្លងកាត់នឹងចូលទិញម្ហូបអាហារស្ទើរតែរៀងរាល់ថ្ងៃ ។ចំនែកអាជីវករលក់ដូរនិងប្រជាពលរដ្ឋដែលចូល ផ្សារលើធំថ្មីបានសុំមិនបញ្ចេញឈ្មោះ បានអោយដឹងបន្ថែមទៀតថា មិនមានអ្នកណាហ៊ាននិយាយទេព្រោះ ក្លាច មិនបានលក់ដូរនៅក្នុងផ្សារនេះតទៅទៀត។
ប្រភពដដែលបានបន្តថា សកម្មភាពល្មើសច្បាប់ដាក់កូនកញ្ជ្រែងឲ្យដើរប្រមូលលុយពីអ្នក លក់ដូរលើសតម្លៃរដ្ឋកំណត់ និងមានពេលខ្លះជាន់ករដកស្លាបធ្វើបាបអ្នកក្រីក្រលក់ដូរតាមកញ្ជើកញ្ជ្រែងល្អីជាញឹកញាប់ មិនសូវមានតម្លាភាពក្នុងការដោះស្រាយបញ្ហា ដែលកើតឡើងចំពោះមុខឡើយ។
ករណីនេះ វាតែងតែកើតឡើងជារើយៗយូរឆ្នាំមកហើយ រហូតមកដល់ពេលនេះគេនៅពុំទាន់ឃើញ អាជ្ញាធរខេត្តឬ អង្គភាពប្រឆាំងអំពើពុរលួយដែលហៅកាត់ថា(ACU)នោះដាក់ការស៊ើបអង្កេតទៅលើលោក ហ៊ុប ថៃប្រធានផ្សារទាំងបីខាងលើនេះនៅឡើយទេ។
បើតាមសំដីកូនស្រីរបស់លោក ហ៊ុប ថៃ នៅយាមបង្កន់មុខបន្ទប់ក្នុងផ្សារលើ និងជាអ្នកដើរប្រមូលភាសុីពីក្រុមជីវករ បានធ្លាប់និយាយថាគាត់ពិបាក់ណាស់ទំរាំនឹងដើរប្រមូលភាសុីពីអាជីវករបាន ហើយម្យ៉ាងទៀតក្នុងមួយខែៗត្រូវចំណាយថវិការជាច្រើនតាមរយៈជាកញ្ចប់ស្ទើរតែគ្រប់លំដាប់ថ្នាក់ បើគាត់មិនធ្វើអញ្ចឹងតើបានប្រាក់មកពីណាអោយទៅពួកគេ។
ករណីខាងលើនេះ តើក្រសួងសេដ្ឋកិច្ចនិងហិរញ្ញវត្ថុនិងអាជ្ញាធរថ្នាក់ជាតិ មានការកែតម្រូវបែបណា ចំពោះបញ្ហាទាំងនេះ? នេះជាសំនួររបស់ប្រជាពលរដ្ធ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។