ក្នុងរយៈពេល១០ខែ​ឆ្នាំ២០១៨​ ​មាន​ទេសចរ​ជិត៨.៥លាន​នាក់​ ​ឆ្លងកាត់​អាកាសយាន​ដ្ឋាន​អន្តរជាតិ​ទាំង៣របស់​កម្ពុជា​

លោក​ ​ម៉ៅ​ ​ហា​វណ្ណា​ល់​ ​រដ្ឋមន្ត្រី​ទទួលបន្ទុក​រដ្ឋលេខាធិការ​ ​នៃ​រដ្ឋលេខាធិការ​ដ្ឋាន​អាកាសចរ​ស៊ីវិល​កម្ពុជា​ ​បាន​ឲ្យដឹង​ថា​ ​រយៈពេល១០ខែ​ ​ឆ្នាំ២០១៨នេះ​ ​គិត​ពី​ខែមករា​-​តុលា​ ​កម្ពុជា​មាន​ភ្ញៀវ​ទេសចរ​ឆ្លងកាត់​តាមអាកាស​យានដ្ឋាន​អន្ដរ​ជាតិ​ទាំង៣​ ​ជិត៨.៥លាន​នាក់​ ​ដែល​ចំនួន​នេះ​កើនឡើង​ចំនួន២១.៧​%​ ​បើ​ធៀប​នឹង​រយៈ​ដូចគ្នា​ឆ្នាំ២០១៧​ ​ដែល​មានត្រឹមតែ៧លាន​នាក់​ប៉ុណ្ណោះ​។​

​លោក​ ​ម៉ៅ​ ​ហា​វណ្ណា​ល់​ ​បញ្ជាក់​ទៀត​ថា​ ​សម្រាប់​ចំនួន​ជើង​ហោះ​ហោះហើរ​ក្នុង​ឆ្នាំនេះ​ ​ក៏​មានការ​កើន​ដែរ​ ​បើ​ធៀប​នឹង​ឆ្នាំ២០១៧​។​ ​ឆ្នាំ២០១៨​ ​ជើងហោះហើរ​មាន​ចំនួន​ ​៧ម៉ឺន២ពាន់៧៨៧​ ​កើនឡើង២០​%​ ​បៀ​ប​ធៀប​នឹង​ឆ្នាំ២០១៧​ ​មានត្រឹមតែ​ ​៦ម៉ឺន០៦៣៦ប៉ុណ្ណោះ​ ​ហើយ​ទំនិញ​វិញ​ ​ក៏​មានការ​កើនឡើង​ដែរ​ ​ឆ្នាំនេះ​មាន​ចំនួន​ ​៥ម៉ឺន៥ពាន់៣២៤តោន​ ​កើនឡើង១៩​%​ ​ខណៈ​ឆ្នាំ២០១៧មានត្រឹមតែ៤ម៉ឺន៦ពាន់៦៧៥តោន​»​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។