ប៉ូលិសក្រុងប៉ោយប៉ែត ចុះបិទកាស៊ីណូឆាយណាថោន ក្រោយមានការចុះផ្សាយ
(បន្ទាយមានជ័យ) ៖ កាលពីព្រឹកថ្ងៃទី២៤ ខែកុម្ភៈ ឆ្នាំ២០២៣ លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ បានដាក់បទបញ្ជាដល់លោកវរសេនីយ៍ឯក សៅ សារឿន អធិការ នៃអធិការដ្ឋាននគរបាលក្រុងប៉ោយប៉ែត ដឹកនាំកម្លាំងនគរបាលក្រោមឱវាទ ចុះស្រាវជ្រាវ និង ហៅម្ចាស់ទីតាំងការស៊ីណូ មកធ្វើការសួនាំ ព្រមទាំងធ្វើកិច្ចសន្យាបញ្ឈប់ ដើម្បីបិទទីតាំងអាជីវកម្មមួយនេះ ។
ជុំវិញករណីនេះ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងថា ជាលទ្ធផល ក្រោយចុះស្រាវជ្រាវពិនិត្យទីតាំងជាក់ស្តែង កាស៊ីណូឆាយណាថោន នៅចំនុចភូមិទួលពង្រ សង្កាត់អូរឬស្សី ជាកាស៊ីណូមានច្បាប់ និងអាជ្ញាប័ណ្ណត្រឹមត្រូវ មានបុគ្គលិកជាពលរដ្ឋខ្មែរបម្រើការងារទីនោះជាច្រើនរូប ហើយកាស៊ីណូនេះ បានបិទទ្វារមិនធ្វើអាជីវកម្មមួយរយះហើយ។
គួរបញ្ជាក់ថា កន្លងមកមានរចុះផ្សាយរបស់អង្គភាពសារព័ត៌មាន ក្នុងស្រុកមួយចំនួនថា ទីតាំងមួយនេះបានបើកលេងដោយខុសច្បាប់ និងបានអនុញ្ញាតិឲ្យជនជាតិខ្មែរចូលលេង ហេតុនេះហើយទើបជាមានការចុះស្រាវជ្រាវ ហើយបានរកឃើញថា កាស៊ីណូមួយនេះបានបិទទ្វាអាជីវកម្មឬបស់ជាង១០ថ្ងៃមកហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។