មិនដឹងអាងអី សង់របងបិទអូរនៅក្បែរភ្នំគូលែន សមត្ថកិច្ចចុះហាមឃាត់
កាលពីថ្ងៃទី១៧ ខែកក្កដា ឆ្នាំ២០២៣ អាជ្ញាធរស្រុកបន្ទាយស្រី និងអាជ្ញាធរខេត្តសៀមរាបបានចុះទប់ស្កាត់សំណង់របងរឹងកាត់ទទឹងអូរធម្មជាតិ ស្ថិតនៅក្នុងភូមិគូលែនថ្មី ឃុំត្បែង ស្រុកបន្ទាយស្រី ខេត្តសៀមរាប នៅក្បែរជើងភ្នំគូលែន ។
លោក រិន ឡូត អភិបាលស្រុកបន្ទាយស្រីបានមានប្រសាសន៍ថា ក្រុមការងារស្រុកបានចុះសហការជាមួយអាជ្ញាធរមូលដ្ឋាន នៅថ្ងៃទី១៧ ខែកក្កដា ឆ្នាំ២០២៣ ដើម្បីទៅមើលដល់ទីតាំងដែលជនល្មើសកំពុងប្រព្រឹត្តិខុសច្បាប់លូចធ្វើរបងរឹង ឆ្លងកាត់អូរធម្មជាតិមួយកន្លែង ដែលស្ថិតនៅក្នុងភូមិគូលែនថ្មី ឃុំត្បែងនោះ ដើម្បីបញ្ឈប់សកម្មភាពភ្មាមៗតែ
ម្តង ។
ហើយម្ចាស់ដែលបានធ្វើរបងឆ្លងកាត់អូររបស់រដ្ឋនោះ ត្រូវបានអាជ្ញាធរស្រុកបន្ទាយស្រី ធ្វើការហៅឱ្យចូលខ្លួនមកដោះស្រាយនៅសាលាស្រុកនៅថ្ងៃទី១៩ ខែកក្កដាខាងមុខ។
យ៉ាងណាក៏ដោយ អាជ្ញាធរមិនបានបញ្ជាក់ទេថា ម្ចាស់សំណង់នេះគឺជាអ្នកណា ហើយមានហេតុអ្វីបានជាហ៊ានដល់ថ្នាក់ធ្វើរបងកាត់អូរយ៉ាងដូច្នេះទេ តែយ៉ាងណាក៏ដោយសាធារណជនរំពឹងថា អាជ្ញាធរពាក់ព័ន្ធនឹងចាត់វិធានការរឿងនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។