ឯកឧត្តម ឃួនស្រេង អភិបាលរាជធានីភ្នំពេញចុះសាកសួរសុខទុកអាជីវករនៅក្នុងផ្សារ
កាដូឆ្នាំថ្មី ឆ្នាំ២០១៩!
កន្លងមក បងប្អូនអាជីវករលក់ដូរតាមបណ្តាផ្សារក្នុងរាជធានីភ្នំពេញប្រើប្រាស់អគ្គិសនីពីអ្នកម៉ៅការឯកជន ដែលតូបខ្លះត្រូវបង់ក្នុងតំលៃ ១.២០០៛ ទៅ ១.៥០០៛ ក្នុងមួយគីឡូវ៉ាត់ម៉ោង។
ដើម្បីសម្រាលបន្ទុកចំណាយរបស់អាជីវករលក់ដូរតាមផ្សារ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្តល់ជូនបងប្អូននូវការប្រើប្រាស់អគ្គិសនីក្នុងតំលៃសមរម្យ។
អនុវត្តតាមអនុសាសន៍ណែនាំដ៏ខ្ពង់ខ្ពស់នេះ រដ្ឋបាលរាជធានីភ្នំពេញកំពុងសហការជាមួយអគ្គិសនីកម្ពុជា ដើម្បីរៀបចំការបញ្ចុះតម្លៃប្រើប្រាស់អគ្គិសនីតាមតូបលក់ដូររបស់អាជីវករក្នុងផ្សារទាំងអស់នៅរាជធានីភ្នំពេញ មកត្រឹម ៧៤០រៀល ក្នុងមួយគីឡូវ៉ាត់ម៉ោង ដែលជាតំលៃក្នុងប្រភេទពាណិជ្ជកម្មធុនតូច ដោយនឹងចាប់ផ្តើមពីខែមករា ឆ្នាំ២០១៩ នេះតទៅ។
អាស្រ័យហេតុនេះ សូមបងប្អូនអាជីវករលក់ដូរតាមផ្សារទាំងអស់មេត្តាជ្រាប និងត្រៀមសហការជាមួយក្រុមការងារដែលនឹងចុះធ្វើកិច្ចការដល់ទីរួមផ្សារផ្ទាល់ក្នុងពេលដ៏ខ្លីខាងមុខនេះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។