មកស្គាល់! គ្រឿងបញ្ចុះក្នុងប្រាសាទ
ប្រាសាទបុរាណខ្មែរទាំងអស់រមែងមានដាំថ្មបញ្ចុះនៅគ្រឹះធ្វើជាសីមា នៅក្រោមបាតបល្ល័ង្កព្រះ និងកំពូលប្រាសាទ ក្នុងបំណងសុំយាងទេពនិករមកគង់នៅជានិរន្តន៍ និងធ្វើឲ្យបូជនីយដ្ឋាននោះកាន់តែជាទីពិសិដ្ឋ។ ចាស់បុរាណខ្មែរបានរៀបចំកិច្ចពិធីបញ្ចុះត្បូង សន្លឹកមាស ឬសន្លឹកប្រាក់ និងវត្ថុមានតម្លៃផ្សេងៗទៀត។
ថ្មបញ្ចុះមួយនេះ មានឡតដែលមានទ្រង់ទ្រាយខុសៗគ្នាចំនួន៩។ នៅបាតឡតនីមួយៗមានចារឹកព្យាង្គអក្សរ៖ ជិំ ហ្រិំ ឳំ ហោំ ត្រាំ ទិំ អាំ សិំ និងហុំ រំលឹកដល់ទេព ០៩អង្គ ដែលទំនងជាទេពនព្វគ្រោះ ឬ «ភពទាំងប្រាំបួន»។ រន្ធតូចៗនៅនឹងបាតឡតមានមានបញ្ចុះត្បូងថ្មមានតម្លៃដែលទាក់ទងទៅនឹងទេពទាំង ០៩អង្គនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។