រឿងអាស្រូវពុករលួយរបស់លោក សំ កុសល ប្រធានសាខាគយនិងរដ្ធាករខេត្តកោះកុងមិនគួរលោកបណ្ឌិតគុណ ញឹម មើលរំលង?
ពីខេត្តកោះកុង ប្រភពដែលស្និទ្ធនឹងលោកលោក សំ កុសល ប្រធានសាខាគយនិងរដ្ធាករខេត្តកោះកុង បានបង្ហើបអោយខ្មែរ៧មករាឲ្យដឹងថាបច្ចុប្បន្ន ឈ្មួញមួយចំនួននៅ តែនាំចូលម៉ូតូទំនើបៗ គេចពន្ធរថយន្តទំនើបៗ អត់ពន្ធនិងទំនិញគេចពន្ធ ច្រើនប្រភេទពីទឹកដីប្រទេសថៃ ចូលទឹកដីខ្មែរ យ៉ាងគគ្រឹកគគ្រេងតាមទូក និងតាមឡាននៅពេលយប់។ ប្រភពបានឲ្យដឹងទៀតថា ទំនិញដែលឈ្មួញនាំ ចូលតាមច្រកទ្វារអន្តរជាតិ ចាំយាម ច្រកស្រែ អំបិល ច្រកប៉ាក់ខ្លង និងច្រកផ្សេងៗទៀតគឺបង់ពន្ធ ចូលរដ្ឋត្រឹម២៥ទៅ៣០ភាគរយប៉ុណ្ណោះ ក្រៅពីនេះគឺមានការ ឃុប ឃិតបែងចែកផលប្រយោជន៍គ្នារវាងក្រុមឈ្មួញនិងលោក សំ កុសល ប្រធានសាខាគយនិងរដ្ធាករខេត្តនិងក្រុមឈ្មួញមានអំណាច។ ប្រភពបានឲ្យដឹងទៀតថា ការដែលលោក សំ កុសលហ៊ានធ្វើអ្វីៗតាមអំពើចិត្តរបស់ខ្លួនបំពានទៅលើវិធានការកែទម្រង់ស៊ីជម្រៅនៅក្នុងស្ថាប័នគយ គឺដោយសារអាងមានខ្នងបង្អែកដ៏រឹងមាំចាំជួយការពារនិងជួយដោះស្រាយគ្រប់ពេលវេលា។
ប្រភពពីមន្ត្រីនិងភ្នាក់ងារគយក្នុងខេត្តកោះកុង មួយចំនួនបានឲ្យដឹងថា បើទោះបីរឿងអាស្រូវពុករលួយច្រើនបែបច្រើនយ៉ាងណារបស់លោក សំ កុសល ប្រធានសាខាគយខេត្តកោះកុង ត្រូវបានលាតត្រដាងជាបន្តបន្ទាប់យ៉ាងណាក៏ដោយ ក៏មកដល់ពេលនេះទាំងលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជា លោក គុណញឹមមេគយធំៗនៅក្នុងអគ្គនាយកដ្ឋានគយនិងរដ្ឋាករកម្ពុជា នាំគ្នាសម្ងំស្ងាត់ឈឹង។ ហេតុនេះហើយទើបលោក សំ កុសល ប្រធានសាខាគយខេត្តកោះកុង កាន់តែមានអំណាចធំធេងក្នុងការប្រព្រឹត្តអំពើពុករលួយដោយគ្មានញញើតអ្វីទាំងអស់។ ប្រភពពីមន្ត្រីនិងភ្នាក់ងារគយខេត្តកោះកុង បានឲ្យដឹងទៀតថា មួយរយៈចុងក្រោយនេះលោក សំ កុសល ប្រើតួនាទីនិងអំណាចប្រព្រឹត្តអំពើពុករលួយកាន់តែខ្លាំងតាមរយៈការបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗតាមច្រកបាក់ខ្លងនិងតាមទូកនិងច្រករបៀងតូចៗ។
បើតាមការបង្ហើបពីសមត្ថកិច្ចពាក់ព័ន្ធក្នុងខេត្តកោះកុង មួយចំនួនបានឲ្យដឹងថា អំពើពុករលួយយ៉ាងគឃ្លើនរបស់លោក សំ កុសល ប្រធានសាខាគយនិងរដ្ធាករខេត្តកោះកុង គឺឃុបឃិតឲ្យឈ្មួញធំៗមួយចំនួនបង់ពន្ធតាមរបៀបម៉ៅការ ហើយឈ្មួញទាំងនោះអាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុកតែម្តង។ អំពើពុករលួយច្រើនបែបច្រើនយ៉ាងរបស់លោក សំ កុសល កំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗរាប់សុិបមុឺនដុល្លារ ព្រោះតែលោកសំកុសល ប្រធានសាខាគយនិងរដ្ធាករខេត្តកោះកុងមានទំនាក់ទំនងយ៉ាងជិតស្និទ្ធលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងហិរញ្ញវត្ថុ និង លោកបណ្ឌិត គុណ ញឹមមេគយធំៗក្នុងអគ្គនាយកដ្ឋានគយនិងរដ្ឋាករកម្ពុជា កំពុងសម្ងំស្ងៀមបណ្ដោយឲ្យលោក សំ កុសល មេគយខេត្តកោះកុង ធ្វើអ្វីៗស្រេចតែអំពើចិត្តរបស់ខ្លួនយ៉ាងក្រអឺតក្រទម។ លើសនេះទៅទៀតលោក សំ កុសល តែងតែប្រើប្រាស់ឈ្មោះមេគយធំៗមួយចំនួននៅក្នុងអគ្គនាយកដ្ឋានគយនិងរដ្ឋាករកម្ពុជា ដើម្បីបិទបាំងទង្វើមិនប្រក្រតីនិងអំពើពុករលួយរបស់ខ្លួនដោយគ្មានញញើតអ្វីទាំងអស់ដើម្បីគំរាមមិនឲ្យមន្ត្រីគយនិងភ្នាក់ងារគយក្នុងខេត្តកោះកុង ធ្វើការតវ៉ានិងរាយការណ៏ពីសកម្មភាពពុករលួយនិងបក្សពួកនិយមរបស់ខ្លួន។
ដូច្នេះមានតែឯកឧត្តមទេសរដ្ធមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរបើកកញ្ចប់ធ្វើការស៊ើបអង្កេតទៅលើរឿងអាស្រូវពុករលួយរបស់លោក សំ កុសល ប្រធានសាខាគយនិងរដ្ធាករខេត្តកោះកុង ឲ្យបានស៊ីជម្រៅ៕ពាក់ពន្ធ័និងការចោទប្រកាន់ខាងលើខ្មែរ៧មករានៅព្រឹកថ្ងៃទី២៧ ខែធ្នូ ឆ្នាំ២០១៨មិនអាចសុំការបំភ្លឺបានឡេីយពីលោកសំ កុសល ប្រធានសាខាគយនិងរដ្ធាករខេត្តកោះកុងដោយទូរសព្ឌ័ខលចូលគ្មានអ្នកទទួល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។